Gluten-free｜姜麗文麩質不耐症腹劇痛似懷孕 食咗呢樣嘢出事:以為係糖同花生

姜麗文（Lesley）原定去年2月2日同工程師男友Pakho結婚，但就因為疫情令到婚期延後，至今已超過一年時間。不過Lesley同老公打風都打唔甩，早前「結婚周年紀念日」仲喺IG出post發表愛的宣言，當正自己已經嫁咗喇！

{{hket:inline-image name="145499686_861406131309749_3625427208298183296_n.jpg"}}{{/hket:inline-image}}

Lesley今日突然喺IG post出一張佢嘅「大肚」照，霎眼睇佢「孕肚」嘅size似乎已經有5個月！唔少人都以為Lesley有好消息宣布，點知原來係壞消息，Lesley留言：「我對Gluten（麩質）敏感（麵粉，麥 等等），好多人會問我，如果食咗Gluten會點......噚日唔小心食咗兩粒龍鬚糖（我以為只係糖同花生！原來有麥！）返到屋企個肚就脹到咁，非常之痛！通常會痛多三四日先好番......兩粒龍鬚糖就變成咁！有冇人好似我咁要Gluten-Free? 起碼有得食飯同米做嘅嘢已經好感恩。」Lesley澄清自己唔係有咗，叫大家唔使恭喜佢住，仲識講笑話除非係恭喜發財。

{{hket:inline-image name="67798258_413223152886257_6517548142440945220_n.jpg"}}{{/hket:inline-image}}

麩質不耐症係一種自身免疫性疾病，患者對麩質有不良反應，如肚脹就係麩質不耐症嘅常見徵狀之一，患者進食後容易感覺腹部脹大或充滿氣體，非常唔舒服。當中乳糜瀉是麩質不耐症中最嚴重嘅徵狀，呢種自體免疫疾病或引致消化系統受損。

(點擊圖片放大)

而麩質（Gluten）係一種存在於小麥、大麥、黑麥，以及麥芽嘅蛋白質，生活中常見嘅麥製食品，如麵包、蛋糕、意粉、餅乾、薄餅、穀物棒等都含有麩質，其實日常生活好多時都好難避免！而今次Lesley食嘅龍鬚糖原料就有麥芽糖、糯米粉、砂糖、花生同椰絲等，Lesley一個唔小心食咗，就要辛苦幾日，真係好陰公！