Master's Talk│馬國明被批今年有望雙喜臨門 好友黎諾懿：「咁阿湯要出絕招」

馬國明、黎諾懿和胡鴻鈞近日接受《Master's Talk師父有請》訪問，今次主題是「旺夫旺妻」，主持林盛斌（Bob）和麥玲玲提出圈中有不少旺夫的女士，包括黃杏秀、蔡少芬、孫儷、汪詩詩等等，Bob大讚老婆旺夫，而且生完四個孩子之後，越來越旺。至於黎諾懿跟太太李潔瑩結婚6年多，婚後誕下一子「小春雞」黎峰睿，他說：「我老婆簡直係賢內助啦，識咗老婆之後，運勢一路好，尤其個仔出埋世之後更好，（旺你所以更愛老婆？）梗係唔係啦，我由頭到尾都好愛我老婆，好似初戀咁。」

Master's Talk│朱千雪揚言入行8年從沒有追求者 湯洛雯爆真相：男拍檔都冇佢電話【下一頁】

{{hket:inline-image name="_DSC2628.jpg"}}{{/hket:inline-image}}

麥玲玲指馬國明一向異性緣強，而且從來都不是主動一方，她經常聽過不少女生的期望，指陳豪未結婚前是圈中最大筍盤，先揀陳豪之後就到馬明，指馬明是值得嫁完再嫁的男人，甚少有富豪的女兒點名想結識男明，不過對方就唔夠湯洛雯靚女。馬明一臉尷尬說：「我唔覺喎，我同胡鴻鈞想法差不多，大家夾自然會少啲拗撬，咁樣已經好好。曾經試過有啲性格唔啱就會鬧交，冇話邊個唔啱，過去咗就冇問題，我感情事唔會影響工作。」

馬明表示自己未試過一見鍾情，每段感情都是相處一段時間之後，才開始發展。提到上集湯洛雯在訪問中提到男方一直都沒開口求婚，麥玲玲看一看手機上馬明的命格，指馬明好大機會先有後婚，全場即時起哄，黎諾懿說：「咁阿湯要出絕招喇！」胡鴻鈞說：「唔畀用（避孕套 )！」馬明超冷靜回應說：「我覺得呢個機會微啲，應該唔會中咗先結婚，希望係結咗婚先有BB，咁我每一次拍拖都係向結婚方向諗，因為我好現實嘅人，唔結婚的話，拍拖係好浪費時間，你知我哋開工成日都冇得瞓。」麥玲玲指今年4至6月是良辰吉日，叫大家儲定人情賀馬明。

（↓點擊圖片放大↓）  

至於黎諾懿認跟太太是一見鍾情，他自爆有次飲醉，見到太太去接好友周美欣，即時心動，他說：「見到佢覺得好靚喎，係佢喇！（你飲醉喎！）所以醒咗之後有少少後悔......不過酒醉都有三分醒，我有問佢拎電話，不過佢起初見我飲到成Pat嘢咁冇乜好感，但因為我太有才華，滲晒出嚟，所以一齊咗。」問到有個富裕老婆是否有壓力，諾懿直言：「我識我太太時已經冇乜理屋企生意，佢交畀哥哥理，只係做副線生意，好少參與屋企業務。」麥玲玲問到三位會否介意成為「駙馬」時，手指不小心指向黎諾懿，諾懿笑言：「你指呢邊做咩？我白手興家㗎喎！」

（↓點擊圖片放大↓）  

萬千星輝頒獎典禮2020│馬國明未能冧莊視帝網友照催婚 大讚湯洛雯身材弗有肉地好攬【下一頁】

至於三子之中，麥玲玲指最旺女人緣是胡鴻鈞，因他的命格是滿盆財星，不過容易三妻四妾，會較遲婚。胡鴻鈞說：「我以前讀男校，都有同性朋友追求，我後知後覺，以為好friend，點知原來佢對我有意思，佢見到我同我初戀女友一齊就好傷心，佢覺得我玩緊佢。」

責任編輯：楊安莉

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress