舊夢不須記│雷安娜劇集歌爆紅急流勇退移民 61歲保養得宜全靠自律減齡

經典金曲《舊夢不須記》原唱者雷安娜，近日接受林穎嫺的YouTube頻道訪問，雖然雷安娜在加拿大溫哥華定居，林穎嫺則在美國，但大家透過視像談天說地，完全沒有地域界限。雷安娜1988年移居加拿大淡出娛樂圈，她表示起初都有少少適應的問題：「初到時遇上駕駛問題，香港揸車係右軚，嚟到呢度轉左軚。我最不習慣係天氣，香港凍極都唔會太凍，夏天見呢度個個短衫短褲，起初照跟，點知夜晚打晒冷震。」

【1987年港姐】傳爆料指邱淑貞整容令其退選 黃鶯事隔30年解畫望對方釋懷【下一頁】

{{hket:inline-image name="hasd.jpg"}}{{/hket:inline-image}}

雷安娜當初移民時正是事業如日中天，問到為何捨得放下香港的一切？她說：「我屋企人喺呢邊，亦鍾意呢邊生活，香港太稠密，加拿大空氣好啲、地方大啲。我過嚟加拿大都有唱歌，好多僑團同電台都有邀請我出席籌款活動，不過當然冇香港咁忙碌。」雷安娜表示自小熱愛唱歌和音樂，就算不是要開演唱會，她都會保持每日練歌約半小時，就算累極都唱兩至三首。

雷安娜表示自己在加拿大先後做過時裝和旅行社的生意，體會到各行各業的辛酸，她說：「我鍾意玩，有時跟團玩吓，仲做埋導遊唱埋歌畀大家聽。每一行都真係敬業樂業，有佢哋辛苦之處，唔做唔知，日日早過團友起身，最遲返房亦係你，好敬佩佢哋，一啲都唔簡單，要照顧咁多人，對我係一個磨練。」雷安娜近年多飛往香港參與演出的工作，所以同老公決定5年前放棄旅行社的生意，重投自己的興趣唱歌。

（↓點擊圖片放大↓）

現年61歲的雷安娜無論皮膚還是身材，都保養得非常之好，相信因為她年輕時多運動；被問到養生之道，她說：「養成良好習慣好重要，而且要長期去做。平時我會好定時食三餐，多飲水補充皮膚水份，早睡早起，在家中舉啞鈴或者去健身室踩單車，疫情冇辦法出去的話，就留喺屋企跟網上學做帶氧運動。至於飲食方面，我食素食咗好多年喇，多食豆類，唔食白飯，改食糙米飯，而食物盡量少油，就可以減低關節痛。」

其實雷安娜早於1983年結婚，當年樂壇甚少歌手會公開戀情，唱片公司一定將戀情「保密」，雷安娜一於少理，她接受訪問時曾經提到自己想結婚，因為想有屬於自己的家庭，所以先斬後奏，結完婚再跟唱片公司交代，因此被迫轉型，由少女轉做少婦，歌路改走成熟少少。被問到有沒有後悔當初衝動的決定時，雷安娜說：「人生有得有失，你失去咗，唔代表搵唔番，你得到又唔代表聽日仲有，我好重視家庭生活，由細到大，可能因為爸爸做生意聚少離多，好想有個男人喺家入面做一家之主，同我分擔。而且結婚咁耐時間，我好開心，冇後悔過。」

（↓點擊圖片放大↓）

責任編輯：楊安莉