抖音天王｜劉德華朱麗倩家事密冚36年 直播自爆低調成婚唔擺酒原因

現年59歲嘅天王劉德華（華仔）與老婆朱麗倩於1984年展開24年「地下情」，直至2009年被踢爆一年前已於美國賭城註冊結婚。當年消息一傳出，劉德華即時以「對不起」為題於網誌上撰文公開認錯，其後更自爆朱麗倩因接受人工受孕，先喺美國註冊。

{{hket:inline-image name="9f4dc88948276c658383682cfa7a89a8.jpg"}}{{/hket:inline-image}}

朱麗倩於2012年人工受孕成功，為華仔誕下一女劉向蕙（Hanna）。由拍拖到生女，華仔向來對處理家事都極為低調，但據知華仔當年嘅求婚都好「正路」同「世俗」，豪花十幾萬一晚租住總統套房，以鑽石戒指跪地求婚。本應以佢天王身份大家都以為佢娶老婆會大排筵席，但佢就比一般人更加低調。事隔多年，日前佢竟然喺抖音（TikTok）主動提起自己當年同朱麗倩結婚而唔擺酒嘅原因。

華仔上個月加入抖音，短短幾天粉絲數就衝破5400萬，日前佢首次於抖音直播宣傳電影《人潮洶湧》，與網民互動，仲有問必答。短短12分鐘已有1000萬人湧入，至半小時後已增加到2000萬人，最終1小時的直播在線人數達到3200萬。粉絲「送禮」出手都唔低，「禮物」價格高達3000元和2888元人民幣，天王魅力認真勁。

（↓點擊圖片放大↓）

有粉絲問到，點解華仔冇「關注」其他帳號，華仔表示，大家知道佢朋友實在太多，每一個佢都想關注，但因為擔心漏咗是但一個都唔好，索性邊個都唔「關注」，仲話：「其實，我也會擔心萬一辦婚宴，漏請任何一位好朋友，這樣會讓朋友感到不開心，乾脆一個都不請，也不宴客了！」粉絲們都覺得好驚喜華仔會提起家事，更大讚佢呢個舉動係為咗照顧朋友嘅感受，非常窩心。

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress