衛志豪被阮兒狠撇原因「模糊」 被動宣布分手:祝佢搵到想要嘅嘢

33歲阮兒同46歲衛志豪三年前因為拍電視劇《同盟》撻着，阮兒早前喺訪問中講到自己受「生蛇」困擾，幸得衛志豪細心照顧，二人更同居試婚，正當大家都以為佢哋好事近，阮兒昨日突然宣布回復單身，更指佢哋已經分手一段時間。

相關新聞：阮兒一年生蛇十幾次要醫足兩年 陷入人生低潮：覺得我好唔靚【下一頁】

{{hket:inline-image name="03b6c3e755f957b44b320608f7551bb5.jpg"}}{{/hket:inline-image}}

二人爆出「分訊」，今日問及衛志豪分手一事，事前係毫不知情還是對「分訊」早有共識，佢表現得「一頭霧水」，「其實之前大家有講過，有傾過……只係唔知佢幾時會向傳媒朋友講。」

對於三年情告終，衛志豪表示自己以與阮兒結婚為前提，「當然會難過，已經3年！我自己係有諗結婚嘅！咁呢個唔係主要分手原因。每個時間都會做唔同嘅嘢，又會覺得呢個時間應該做其他嘢，而家timing唔啱，可能我做得唔夠好。佢有呢個決定，我哋都研究咗一段時間。冇辦法啦！既然佢決定咗，就要尊重佢呢個決定，佢有乜嘢需要，我都會儘量配合，而家有呢個決定都好，大家冷靜吓、努力工作......第時可以再一齊。」

相關新聞：3年情玩完︳阮兒與衛志豪試婚失敗變分手 搬離愛巢：「暫時冷靜吓先…」【下一頁】

{{hket:inline-image name="9d920e64f71f4d027b804666ef4b4831.jpg"}}{{/hket:inline-image}}

「第時可以再一齊」？問及有沒有機會復合，衛志豪斬釘截鐵地說︰「暫時嚟講係一定要分開吓，將來嘅事好難講，唔知有冇機會再喺埋一齊，有可能會，亦有可能唔會，我暫時唔知，咁再見都係朋友嚟，祝福佢搵到佢想要嘅嘢。」

阮兒 噚日指自己現時單身，衛志豪就帶點無奈咁話：「咁我都係單身啦……」問到分手原因，男方未有正面回應，「原因嚟講仲係了解當中……」佢話同阮兒之間冇發生乜嘢事，亦冇乜嘢拗撬，正處冷靜期，「講過分開吓，唔同時間做唔同嘅事，而家大家嘅想法唔一致。」佢自己都話分手原因「有啲模糊」。

（↓點擊圖片放大↓）

衛志豪表明尊重阮兒嘅決定，同阮兒都再見亦是朋友，「佢有呢個決定，我會祝福同尊重佢，如果佢有乜嘢需要幫忙，我都會幫佢。」男方指今年農曆年會同朋友揸電單車兜風「行大運」，亦習慣每年去花市買桃花。