61歲周文健孟波形象冇得輸 盤點巨星 發哥親民 DoDo最認叻

淡出娛樂圈多年的大隻佬周文健，早年移居珠海經營火鍋店生意，他近日獲邀「出山」回港參與電影《正義迴廊》演出，日前他接受網上頻道《威哥會館》節目訪問， 61歲的他仍保持著魁梧身型，但樣貌難掩老態。在80年代憑著爆肌外型及操半鹹淡廣東話的特點，與不少巨星在電影中合作機會，到1996年拍攝電影《孟波》，其入形入格演出更成為他的代表作。

{{hket:inline-image name="01.jpg"}}{{/hket:inline-image}}

「孟波」周文健滔滔不絕講拍戲往事。（圖片：網上截圖)

{{hket:inline-image name="04.jpg"}}{{/hket:inline-image}}

周文健接受網上頻道《威哥會館》訪問，大談當年與巨星合作的難忘事。（圖片：網上截圖)

59歲周文健娶細18年嫩妻 爆肌孟波變肥仔波趕尾班車生B 【下一頁】

周文健記性很好，在訪問中回憶30多年來的人和事，講到當年令他一炮而紅的啤酒廣告，他說：「嗰日喺中環拍外景，導演叫我著件白背心，揸住把風扇自由發揮，個廣告好快就拍完，錢都未知收幾多就叫我走嘞。」

廣告出街後大受歡迎，周文健白背心大隻佬形象成了啤酒廣告的Icon，但一次無心快語險些打爛自己飯碗：「有一日我去飲酒，侍應同我講『你一定飲XX啦！』，我話『XX唔好飲！』，點知隔籬枱正正係啤酒公司老闆，佢聽到晒。之後，佢哋有搵我再拍廣告，但合約就列明，唔可以喺公眾地方講佢哋啤酒唔好飲。」周文健怪自己不應該太老實，因會得罪人呢。

廣告為他帶多收入，亦帶來很多拍戲機會，多年來他拍了近70套電影 ，合作過的演員有周星馳、周潤發、許冠文、張學友、關之琳、鄭裕玲（DoDo）、梅艷芳等等，全部都是影壇大哥大姐。周文健與發哥多次結片緣，大讚發哥好Nice，每次碰到面都會主動打招呼，又留意他拍過的廣告和劇集：「當時我拍完電視劇《他來自天堂》，咁啱大家揸車停正燈口，佢攪低車窗讚我演天使演得好好，搞到我面都紅埋。我有客串拍攝《賭神》，發哥一見到我，就話有留意我拍嘅啤酒廣告，令我好開心。」

（↓點擊放大睇圖片↓）

周文健有份演出電影《表姐，你好嘢！》，他說等埋位時會和鄭裕玲玩英文拼字遊戲，他說：「DoDo英文叻，但有時佢幾賴皮，會作啲英文字出嚟，我話一定冇咁嘅字，我仲查字典畀佢睇，佢先認輸，我就贏咗佢份三文治。」

至於他與星爺周星馳在1992年拍《逃學威龍2》，兩人竟有一場咀嘴戲，周文健表示：「條橋係星爺即場度，其實係講我哋打交互摷頭髮，但林尚義就以為我哋打茄輪。」事隔5年後，周文健在《97家有喜事》再遇星爺，點知一見面又失言：「我見佢頭髮白晒，就同佢講『你染頭髮呀？』，佢皺晒眉答我『白頭髮使唔使染呀？』我就知自己唔經大腦講錯嘢嘞，其實我係好耐冇見佢太開心，不過，我知佢冇嬲嘅。」

（↓點擊放大睇圖片↓）

撰文：衛紫敏

陀槍師姐2021｜許紹雄張嘉兒相差35歲演夫妻 TVB劇中老夫少妻都有圓滿結局？【下一頁】