岑麗香三年抱兩長胎唔肥人 曬家庭照宣布佗第二胎「小腰果」

靚媽岑麗香 (香香) 於2016年12月與老公強強結婚，並於2019年3月誕下囝囝Jacob，生活幸福愉快。香香做咗媽咪之後主力湊仔，減少幕前演出，不過去年香香拍劇集《寶寶大過天》(前名《BB大晒》) 令唔少人都以為佢會「封肚」全面「復出」！但香香今日突然喺IG再次宣布喜訊！

{{hket:inline-image name="103762425_156104915964328_2822047819846044084_n.jpg"}}{{/hket:inline-image}}

香香今日喺IG話已懷第二胎，生完囝囝相隔兩年再度有喜，三年抱兩！香香留言：「Hi Baby Cashew #小腰果多多指教」，除咗post佢自己嘅索爆孕照外，仲有佢「一家四口」嘅溫馨家庭照，Jacob喺相中好開心咁攬住媽媽嘅「肚皮」，見到都覺得warm！

（↓點擊圖片放大↓）

香香並冇透露腹中BB嘅性別，亦冇透露佗B幾多個月，但見到佢孕肚嘅size，估計已有7個月左右了，相信牛BB冇幾耐就會同大家見面！香香今次佗呢一胎睇落仲索過佗Jacob嘅時候，記憶中佢佗Jacob時好早期已經有啲面腫腫，不過兩次都係肥胎不肥人，得天獨厚！而她佗住Jacob嘅時候孕肚相當圓，今胎就相對冇咁圓，唔知係咪老人家所講嘅「圓肚生仔，尖肚生女」呢？

對於老友懷第二胎，王君馨回應本報稱：「我都替香香非常開心，希望BB肥肥白白，好似香香咁甜美啦，祝福佢哋一家人身體健康！(你心急生B？)自己就唔急，暫時都係事業為重！」問及是否為老友守秘密感辛苦，她僅以笑笑口公仔回應，似乎不欲多言。

撰文：黃蘊姿