31歲細孖周志康無懼做嫩爸 教女切忌呼喝 打鬧隨時弄巧反拙

31歳的周志康和周志文是孖生兄弟，阿康於2014年與圈外女友結婚，先後誕下兩個寶貝女，大女Emma今年6歲，細女Elva 兩歲，最近他以人父身分上兒童節目《Think Big天地》接受周奕瑋、小主持芊芊訪問。其實阿康除咗有個孖生哥哥外，對上還有一個哥哥，自小在「男人堆」成長的他，現成了兩個女兒的父親，面對「一屋女人」阿康又會如何應付呢？

{{hket:inline-image name="19.jpg"}}{{/hket:inline-image}}

周志康有6年做爸爸的經驗，上節目分享湊女經。（圖片：電視截圖）

阿康表示：「反而我可以套用到自己細個時嘅諗法落兩個女身上，因為大女比較多活動，發現佢嘅小習慣同我細個時都好相似，佢好鍾意行街時特登揀啲唔同顏色嘅階磚去踩，令我勾番起自己細個時都有好多奇怪習慣 ; 喺小朋友角度係出於好奇，覺得有趣就去做，所以鍾意周圍摸、周圍碰，但大人角度往往覺得好唔衛生，或者亂摸亂碰會有危險！其實我哋大人要理解小朋友背後嘅目的，唔好一開口就鬧佢哋，話佢哋錯，要用小朋友角度去諗咗先。」

{{hket:inline-image name="11.jpg"}}{{/hket:inline-image}}

大女Emme 6歲生日，一家人和好友為她Party慶祝。（圖片：周志康IG）

Think Big︳陳展鵬自爆小三仲會瀨尿濕床 愛女小豬比皺眉頭學邊個？【下一頁】

阿康在25歲成家立室，26歲做爸爸，當「嫩爸」可有難度？「反而唔難，因為而家多咗好多渠道去學習，我會買啲育兒書、教小朋友嘅書，會上網睇好多唔同嘅網誌，有啲書嘅理念同我嘅育兒想法好似，當然唔能夠一本通書睇到老，要慢慢參透。」阿康認為教子女方法最重要是兩公婆想法一致，需要互相提醒，「因為教小朋友，不二門法係耐性，有時候忽略耐性呢件事，就可能畀自己情緒影響，做咗錯誤嘅決定！當你呼喝小朋友時，只會令佢驚，佢得個驚字，小朋友驚完都係冇進步，咁冇意思，反而循循善誘、溫柔對待，我覺得係最好方法。」

對於兩個女兒的品德教育，阿康在意是小朋友要有愛心，「有愛心，自然禮貌都會有。小朋友亦唔可以自私。可能我由細到大喺一個愛分享嘅家庭成長，屋企人鍾意分享，好似煮嘢食會同鄰居分享 ; 而自私的話，係阻礙到自己得到愛嘅機會。其實只要你願意分享，人哋都願意同你分享，當然小朋友會有佔據嘅心，所以，大人要慢慢引導佢哋。」

（↓點擊圖片放大↓）

另外，講到阿康與哥哥周志文的關係，有說雙胞胎會有心靈感應，阿康笑言：「我哋就冇心靈感應嘞，但同阿文係有一種默契，我哋一個小動作就知大家想做乜嘢。」當年兩兄弟出世時，阿康遲4分鐘出世而成「細孖」，他說兄弟無分「大細」，「我哋本身仲有個大哥，我同阿文同一個Level，冇哥哥弟弟之分。至於相處方法，阿媽話由細到大都係我讓阿文多啲，我哋好少爭嘢玩，通常猜包剪揼解決。」

{{hket:inline-image name="20.jpg"}}{{/hket:inline-image}}

若果周志文唔係留鬚，佢同細孖周志康真係好難分。（圖片：周志康IG）

撰文：衛紫敏

李若彤派福利罕曬25歲水著靚相 自爆為同男友旅行放棄兩大天王 【下一頁】