中國14億人｜劉德華開抖音瘋狂吸粉近4千萬 二創《無間道》名場景求「關注」

近年內地社交媒體App「抖音」非常盛行，香港唔少藝人都開抖音嚟為自己增加人氣兼同內地粉絲互動。日前就連天王級人物劉德華亦進駐抖音，成為佢第一個個人影片社交帳號。

{{hket:inline-image name="b6f407468f4e9ac7c5fae62f70ad2b88.jpg"}}{{/hket:inline-image}}

華仔 噚日（27/1） 認證帳號的確為佢本人，先後發布咗三條短片，喺短短兩日內吸納粉絲至近3,500萬！係抖音史無前例「漲粉」最快嘅一位藝人，同時，佢亦係抖音擁有最多粉絲嘅香港男星，破晒紀錄！每條短片仲有逾千萬甚至接近二千萬個讚，短短幾日華仔一躍登上明星榜之首，連破多個記錄，天王魅力真係唔講得笑。

（↓點擊圖片放大↓）

現年59歲嘅劉德華依然Keep住弗爆身形，多咗皺紋，呢啲叫歷練、叫男人味！華仔漲粉咁快除咗因為佢本身人氣之外，仲因為佢第二條短片就公開誠徵拍檔，佢自己就重演咗兩幕經典電影場面，又叫大家參考佢嘅示範嚟拍片「試鏡」，做佢拍檔 ; 一句「我等你」相信已經令唔少粉絲為之瘋狂！而且仲有好多玩咗一排抖音嘅紅星幫佢宣傳，如黑仔姜皓文、三哥苗僑偉和容祖兒等，真係唔關注都對唔住自己！

至於第三條短片就係華仔親自呼籲大家「點讚」、「點關注」，廢話唔多，大家一定畀面關注啦！