吳婉芳二仔拍片教健身豪宅曝光 短褲爆呔chok樣秒變「萌」遮醜

港姐亞軍吳婉芳嘅二仔胡智同（Lynus）高大靚仔，熱衷於健身嘅佢過去曾參加唔少健美先生比賽，擊敗咗同組六十名對手，獲「Mens Physique Tall」組別冠軍，相當厲害。Lynus亦不時喺社交網分享在家健身短片，而呢日佢做深蹲動作時，竟然發生「小意外」！

{{hket:inline-image name="5_600.jpeg"}}{{/hket:inline-image}}

Lynus分享咗數條在家健身嘅短片，仲有文字解說，方便網民可以跟住佢做動作，非常細心。片中嘅佢著住背心同短褲大騷健碩身材，教網民如何只用一對啞鈴就可以喺家中做運動健身。

{{hket:inline-image name="woo5.png"}}{{/hket:inline-image}}

Lynus更特別提醒大家要開聲睇最後一段片，片中可見本來佢好專心咁做示範，但當佢雙手舉起啞鈴、個身向下蹲時，突然發出「啪」一聲。佢即刻放低啞鈴check吓自己係咪「爆軑」。突然發生「小意外」，惟有帶住「尷尬又不失禮貌嘅微笑」終止拍攝！

（↓點擊圖片放大↓）

由於疫情關係，之前常常去gym room做training嘅Lynus留喺屋企健身兼拍片，同時亦曝光屋企內裡乾坤！吳婉芳一家住於大坑道的8層獨立屋，曾被評為2013亞太物業大獎「香港五星級私人住宅」，據悉總面積約2萬呎，點少得私人泳池呢！

（↓點擊圖片放大↓）

【凍齡美魔女】52歲吳婉芳拍埋仔女隔籬似家姐 孻女生日被甫驚嚇舊照「贈興」 【下一頁】