基層之苦｜清潔工友公廁內低頭食飯盒 網民目擊感心酸：咁壓榨好唔人道

疫情之下，公眾環境衛生其實有賴一班前線清潔工人付出。有網民早前就在Facebook群組上載相片，當中可見一名清潔工於公廁內提著飯盒用膳，位置更與乾手機、洗手盆及垃圾桶為鄰，慨嘆一班清潔人員工作辛勞，卻未有獲得相應回報。

目擊工友公廁用膳 網民心酸抱不平

有網民於Facebook群組「PLAY HARD 玩硬」上載相片，當中可見一名工友於公廁內用膳，環境與衛生均相當惡劣，氣憤指「香港政府，真係要檢討吓，食飯食到要咁樣」。不少網民留言替清潔工感不值，認為清洗公廁屬厭惡性工作，但前線工友人工卻相當微薄往往只得最低工資，更批評外判制度令工友薪酬與福利同時被壓榨，

「佢哋好似係外判嘅，陰公，乜嘢福利都冇㗎，冇人理，好慘㗎！」

（↓點擊圖片放大↓）

公廁食飯因擔心遭「篤灰」

有網民認出照片攝於青衣長康邨一個公廁，指公廁外應有坐位，反問工友何以不在公廁外進食。有人解釋指工友如離開公廁範圍容易被質疑「偷懶」、「擅離職守」，甚至會被人「篤灰」投訴，工友為免麻煩一般都會選擇在廁所範圍內用膳。對此有人就為工友待遇抱不平，

「其實咁樣對待工友好唔人道，邊有人想對住啲排洩物食飯休息。點解要咁樣壓榨工友？」

亦有網民指清垃圾及洗廁所工作令工友經常接觸細菌，染病機會大增，認為工友應享有合理福利及薪酬待遇，反問「如果唔係有呢班人，有幾多人可以放低身段去洗廁所？」

責任編輯：鄭禮賢