3月蘇得│劉倩婷隔5年再有喜暗示佗仔? 李丞責狂催生B:結果應該係佢想

前香港小姐冠軍劉倩婷（Sandy）與著名堪輿學家李丞責婚後育有一女，今日是Sandy的正日生日，她趁機公布再次懷孕嘅喜訊，喺社交平台甫出老公親自操刀影嘅大肚相。

{{hket:inline-image name="122741487_129756842227255_5242692015289128197_n.jpg"}}{{/hket:inline-image}}

早前Sandy分享嘅慶生相都有刻意遮肚，依然面尖尖嘅佢真係睇唔出有孕！而新一張相中嘅Sandy個肚已經大到好似就快蘇得，原來佢已經秘密有咗8個月，預產期3月。因為疫情下多數留喺屋企食飯，由李丞責負責煮，李丞責對飲食好嚴謹，所以只係重咗20磅左右。Sandy話今胎比上胎輕鬆得多，加上有經驗，所以冇咁緊張，可以享受懷孕過程，真正感受吓做女王嘅感覺。

（↓點擊圖片放大↓）

Sandy話自己冇問BB性別，但老公就話佢心中有數 :「結果應該係佢想嘅。」當年有報導指Sandy啱啱生完囡囡嘅時候李丞責已要老婆快啲再多個仔，所以唔畀老婆修身，相信今次佢終於如願以償。

相關新聞：劉倩婷旺夫老公身家暴漲過八億 李丞責自批與前妻離異難逃命運【下一頁】

Sandy指自己本身生完第一胎一直堅持要封肚，但老公就不斷游說，而且女兒都好想有個伴，佢話等BB出世會送份禮物畀囡囡同老公，等佢哋唔好呷醋。Sandy指疫情下有孕都份外小心，經常會喺屋企做快速測試；李丞責經常出去做嘢同見人，喺屋企都會戴口罩，有時連瞓覺都戴住，保護愛妻、未出世嘅BB同囡囡。

圖片來源：劉倩婷IG