黎國輝被插消費咸豐年前女友 親自向陳自瑤道歉:見到唔會尷尬

黎國輝（阿感）與陳嘉桓（Rose）日前現身觀塘出席活動，為時裝品牌進行直播。阿感表示受疫情影響，與太太分隔台灣、香港已達一年，每晚視像通話以解相思之苦：「其實我哋都計劃生育，但係疫情冇得見面，惟有再延期多一年啦。其實都有諗過要雪卵，但睇吓幾時解封我哋見面再計劃啦！而家晚晚都傾電話嘅，佢都知香港發生咩事、有咩新消息，早排啲新聞我都第一時間向佢報案啦！」

{{hket:inline-image name="DSC00883.JPG"}}{{/hket:inline-image}}

相關新聞：陳自瑤謎之表情代表「好大件事」？ 廿年前男友抽水:個樣係完全失望【下一頁】

早前阿感公開談及陳自瑤台慶黑面被網民狂插，阿感表示正諗方法與陳自瑤聯絡：「因為佢電話應該改咗喇，我覺得禮貌上都要同對方『Say Sorry』，所以託人攞佢電話。我有喺節目度公開道歉，亦有睇網民留言，佢哋覺得我消費咗前度，雖然我哋唔係立心咁做，但觀眾有呢個感覺，我要同對方道歉。」阿感就話冇對方電話，但與對方碰面不會感到尷尬：「我之前做娛樂新聞主播，都成日見到佢，連佢婚禮都係我採訪，同王浩信又係『波友』，所以見面唔會尷尬嘅。」

（↓點擊圖片放大↓）

陳自瑤心情都冇受影響，尋日就同近日宣布佗B嘅好姊妹沈卓盈近見足大半日，由午餐傾到晚餐，最後仲返沈卓盈屋企繼續吹水到凌晨，陳自瑤喺社交平台Post合照並留言：「將滿滿的愛送給大家，恭喜baby又多了一個身份🤰🏻，以後又多一個話題啦！」兩女大談生B經，人生有個真正朋友的確好極！