八両仔葉小霆仔大十八變似韓星 網民驚嘆：保錡仲似八両金親生

現年67歲嘅八両金（葉競生）拍喜劇走紅，不過近年好少喺大銀幕出現，將事業重心轉移到內地發展嘅佢都有不時同阿仔葉小霆出席公開活動Keep住個曝光率。八両仔葉小霆都非常敬業，每次出席活動都會用心打扮一番，可以話係次次都有驚喜呀！

{{hket:inline-image name="86656162gy1fmppvyhqwlj20qo1be12z.jpg"}}{{/hket:inline-image}}

近日兩父子仲準備進軍網紅圈，搶攻直播呢塊大餅，八兩金近日同唔經唔覺已經26歲嘅八両仔一齊拍片，透露佢哋嘅網紅直播基地已經完工，未來父子將攜手合作！不過大家更加關注嘅係八両仔嘅靚樣，睇落八両仔嘅五官比起以前立體咗唔少，瓜子面兼濃眉大眼越嚟越靚仔，仲高阿爸半個頭！

（↓點擊圖片放大↓）

網民都驚嘆基因真係好奇妙！其貌不揚嘅八両金竟然可以「壞竹生好筍」，生到八両仔成個韓星咁，話八両仔雖然同阿爸好似樣，但就係一個靚仔版：「點解可以同八両金餅印咁但又靚仔。」唔少人都話《全民造星》出身嘅少年八両金ERROR成員保錡甚至更加似係親生仔：「八両仔靚仔過Poki」，仲講笑問會唔會保錡同八両仔喺醫院「調錯嬰」。