《愛回家》George│張明偉為教育局拍教育電視教英文 「唔好誤會以為天才聯盟補習社」

張明偉在《愛回家之開心速遞》中飾演「天才聯盟補習社」老闆之一George，他的造型、說話方式都極具個性，經常嬲豬就叫「Jesus！」，大受電視觀眾歡迎。近日，張明偉在社交平台分享英文教學片段，原來他獲教育局邀請為教育電視拍攝短片，片中的他一口流利英文，跟動畫角色互動，非常有趣。張明偉留言說：「大家唔好誤會，呢個唔係天才聯盟補習社嘅教學片！而係教育局SOWIT (Saying Of Wisdom) 系列嘅教育電視節目，其中10集由我主持及聲音導航！邀請大家，無論男女老幼，跟我一齊學習英文諺語！」

《愛回家》George│張明偉兄父法律出身沒阻追演藝夢 「我幸福所以冇藉口做得唔好」【下一頁】

{{hket:inline-image name="AA1.jpg"}}{{/hket:inline-image}}

張明偉接受《晴報》電話訪問，表示教育局相關人士知道他在美國UCLA畢業，又組樂隊Charming Way唱英文歌，主動邀請他拍攝教育短片，「其實都冇特別面試，佢哋叫我send段錄音畀佢哋，就揀咗我去做。當然佢哋都有睇《愛回家》，認識George呢個角色，有時會講少少英文，但冇機會聽我流暢咁講英文，所以錄咗段音畀佢哋。」

正式拍攝時，張明偉表示有一定的挑戰，「平時做戲有對手，拍教育電視就得個背景，自己同自己對戲，好似個傻佬咁。導演會指示我左下角有字，或者頭頂有隻動物飛過之類，咁我就要憑空想像做番相應動作，感覺都幾得意。」

（↓點擊圖片放大↓）

《愛回家》George率島大同學拍聖誕MV暖入心 「大家估唔估到最後把聲係邊個？」【下一頁】

張明偉的媽媽以前是英文教師，又曾在教育局工作，自然對囝囝的英文發音要求甚高，問到今次錄影，媽媽有沒有給予意見，他說：「佢好關注呢件事，我錄影咗十集，佢每一集都聽得好清楚，又提醒我好多牽涉美式同英式英文的問題，逐樣話番畀我知。下次如有機會拍續集，一定搵埋媽咪助陣，咁就萬無一失喇！」

（↓點擊圖片放大↓）

責任編輯：楊安莉