條路自己揀｜張致恒激嬲雯雯被擺上IG公審 老婆做「咕喱」:點解個答案係咁

現年36歲嘅前Boyz成員張致恒（Steven），去年年中宣布與女粉絲雯雯結婚同時做埋老竇，囝囝更已舉行百日宴。而當時Steven已經有一位公開嘅女友梁皓恩（April），之後再有幾位女士留言，表示自己同樣受騙，爆出原來Steven一腳踏六船。事件令Steven賤男形象深入民心，真係浸落1:99都洗唔清。

{{hket:inline-image name="133462358_856043265212529_6682952958624097078_n.jpg"}}{{/hket:inline-image}}

然而雯雯一直都力撐老公，不論街外人對Steven有幾多指責，又不時拎佢嘅醜聞出嚟「調侃」雯雯，佢都會幫老公口，好有「世界將我包圍，誓死都一齊」嘅轟烈感覺。亦因為雯雯嘅維護，都開始有輿論認為應該畀機會Steven，亦認為Steven為屋企改變咗好多，好多網民都好支持佢一家人。

不過平日多數都係曬恩愛嘅雯雯今日就罕有「公審」Steven，嬲爆咁打咗大段文字喺限時動態：「好耐未試過嬲到咁，想將呢樣嘢打出嚟去發洩！當你拎住好多嘢，仲要包括電器，其實都只係希望姐姐可以出嚟村口幫手拎，到落咗車等咗10分鐘都唔見姐姐，打畀老公問佢，老公同我講：「姐姐好忙，所以唔知點樣叫佢出嚟……」我都明白呢個世界係人人平等，如果我做到嘅，我都一定會自己做，但係當我發覺自己係唔可以嘅時候，我都只係希望可以有人幫忙，但係點解，我得到嘅答案係咁樣。」似乎佢係為Steven冇體諒自己而覺得心灰。

（↓點擊放大圖片↓）

之後雯雯再呻:「努力練成人哋講咩都冇感覺，自己知自己做緊咩就足夠，做人無需要將自己嘅委屈又或者可憐通知所有人，最重要係對得住自己良心。」睇嚟佢積壓咗好多負面情緒！