野外步出│陳庭欣帶埋男友Benny玩雙人滑水 多次跌落水勇敢近乎全素顏上鏡

J2台節目《野外步出》第二集主題是滑水，主持人方紹聰（奶仔）邀請港姐冠軍陳庭欣（Toby）挑戰滑水運動。女方可謂經驗豐富，反在奶仔於岸邊練習時充當教練，提醒他動作和姿勢上需要注意的事項。到Toby上場時，示範滑水的多個高難度動作，奶仔搞笑將水樽遞給她，著她在水上開嚟飲，真係小兒科啦，Toby索性開埋遮擋太陽添呀，非常厲害！

《野外步出》江嘉敏東龍島玩飛索驚到爆粗 懸崖邊喪嗌成粒鐘又喊又笑【下一頁】

{{hket:inline-image name="toby1.jpg"}}{{/hket:inline-image}}

之後表演雙人滑水，她的彩豐行老闆男友楊振源（Benny）都有出鏡，與Toby默契十足，水上飄毫無難度。Toby表示朋友們一星期出四次海滑水，自己接觸這項運動大約半年，大感興趣。而在拍攝的過程中，她幾乎全素顏示人，勇氣可嘉！就算經常玩戶外活動，33歲梗係有本錢啦，到拍攝完畢都只需加返少少唇膏就做訪問，冇問題！

Toby提到幾個月前面對5歲半愛雀「Warawara」（愛情鸚鵡） 突然離世，和曾用4日尋回失蹤鸚鵡「Shabushabu」時，不禁眼濕濕……她表示工作時收到父母來電，從他們拍的短片所見，Warawara不太對勁，於是她立即向劇組交代要先回家一趟 ； 沒想到回到家中，父親雙手抱住愛雀屍體，她仍能感受到Warawara微熱體溫。Toby一想起當時的情景，忍不住眼淚，在鏡頭前爆喊！

（↓點擊圖片放大↓）

拆彈專家︳陳庭欣富貴男友傳暗交閨密 即時割席：唔正經女仔唔再聯絡【下一頁】

事後，奶仔感激Toby出錢又出力做嘉賓，「監製本來只安排在一隻船畀我拍，但係Toby為咗支持我呢個新節目，出錢（大約五位數字）租多一隻船，搵埋佢啲教練同男朋友Benny嚟幫手！Benny仲請晒我哋成隊crew食嘢，所以呢一集咁好睇，佢都有功勞！」

Toby和富貴男友Benny拍拖已兩年多，多次傳出第三者與緋聞，又被貼街招等等。雖然是非多多，不過Toby變身「拆彈專家」，每次都成功化解危機，看來令兩人關係更加穩定，越來越甜蜜！

（↓點擊圖片放大↓）

責任編輯：楊安莉