周杰倫踏入42歲「發」到慘不忍睹 網民懷念爆肌才子:氣質都冇埋

仲有幾日就42歲嘅台灣天王周杰倫同老婆昆凌結婚６年後，夫妻首次同台，事關由佢擔任監製嘅賽車電影《叱咤風雲》舉行首映，而呢部電影就係由昆凌擔正做女主角！

周杰倫大讚老婆喊戲有層次，受訪時仲不時偷望老婆！當昆凌發現佢偷望時佢又即刻擰轉扮冇望，互動非常可愛，好似熱戀期嘅小情侶咁！

{{hket:inline-image name="26e9000482c56f6b1913.jpg"}}{{/hket:inline-image}}

其實自結婚之後周杰倫同老婆一直都好甜蜜，男方仲keep住發脹「幸福肥」，呢日佢出席活動再畀自己嘅身形搶晒fo，因為佢再次「肥出新高度」，有人更加指而家嘅佢同歌手孫楠令人「傻傻分不清楚」！

{{hket:inline-image name="6f227efcc1dd74387878586761aa069c.jpg"}}{{/hket:inline-image}}

唔少聽佢歌長大嘅網民都表示覺得好唏噓，指雖則周杰倫由出道開始都已經唔係sell樣，不過而家睇番當年嘅佢，其實都好「煞食」，而且仲有啲似韓仔，誓估唔到今日佢會發福到阿媽都認唔到，連「音樂才子」嘅氣質都消失得一乾二淨！

網民翻出周杰倫嘅舊照懷緬一番，「事實佢巔峰2004-2007嗰陣係唔差，2012練埋肌肉仲型，而家個look提都費事提……」有人指佢以媽媽葉惠美命名嘅專輯係佢嘅全盛時期 (即係2003年)，當時佢有才華又有外形，係出名嘅孝順仔，再加埋少少羞澀，真係老中青同男女通殺。

（↓點擊圖片放大 真·周杰倫↓）

到咗不惑之年嘅周杰倫難免「中年發福」，而且又鍾意食甜品同飲珍珠奶茶，曾經多次被影到手上拎住大杯珍珠奶茶，畀網民嘲笑佢係「奶茶肥」。佢自己曾經解釋變肥係因為喉嚨唔舒服，所以就成日瞓覺休息，先會「水腫」，睇落先咁肥，不過睇嚟事到如今「水腫」都唔能夠再為佢嘅發福開脫！