唔少藝人北上做live賣貨吸金，用自身嘅號召力幫商家賣貨，主要都係靠把口說服觀眾。現年35歲嘅細細粒（陳嘉佳）近年得到王祖藍帶挈打入內地市場，仲不時喺抖音直播，而細細粒就靠個胃，豁出去做美食帶貨達人，粉絲人數超過42萬，好受歡迎！
細細粒每晚7點都喺佢嘅抖音直播、sell嘢食，由賣橙、賣臘腸，到賣花膠都有佢份，佢仲拎佢嘅白滑皮膚做生招牌，「冇辦法啦，我日日都要食花膠，女人去到呢個年紀唔食花膠好易老......你知唔知我今年36歲 (過埋5月生日) 一條皺紋都冇，就係食花膠食番嚟㗎！我唔係美顏呀，我係一條皺紋都冇，我食花膠食咗15年喇！」細細粒除咗講之外，live期間更會化身「焚化爐」，不斷將佢sell嘅食物啪入口！再啪入口！隔住個mon都覺得好震撼呀！
（↓點擊圖片放大↓）
- {{hket:inline-image name="8f327975-8ec4-49f3-b86b-5edc54a687cd.jpg"}}{{/hket:inline-image}}
- {{hket:inline-image name="bkn-20210114123300527-0114_00862_001_06p.jpg"}}{{/hket:inline-image}}
- {{hket:inline-image name="MQdACQlwp2hOlMkn6Zdb7H6tnOUkTWxfSlme00pZntM.jpg"}}{{/hket:inline-image}}
- {{hket:inline-image name="IvrksibLeTgavsykMR-OhDIPQtHGJzwBkIJDJ5CCQyc.jpg"}}{{/hket:inline-image}}
- {{hket:inline-image name="bkn-20210114123300527-0114_00862_001_09p.jpg"}}{{/hket:inline-image}}
- {{hket:inline-image name="bkn-20210114123300527-0114_00862_001_09p.jpg"}}{{/hket:inline-image}}
- {{hket:inline-image name="bkn-20210114123300527-0114_00862_001_05p.jpg"}}{{/hket:inline-image}}
- {{hket:inline-image name="bkn-20210114123300527-0114_00862_001_03p.jpg"}}{{/hket:inline-image}}
- {{hket:inline-image name="11.jpg"}}{{/hket:inline-image}}
- {{hket:inline-image name="8.jpg"}}{{/hket:inline-image}}
- {{hket:inline-image name="7.jpg"}}{{/hket:inline-image}}
- {{hket:inline-image name="6.jpg"}}{{/hket:inline-image}}
- {{hket:inline-image name="5.jpg"}}{{/hket:inline-image}}
- {{hket:inline-image name="4.jpg"}}{{/hket:inline-image}}
- {{hket:inline-image name="3.JPG"}}{{/hket:inline-image}}
- {{hket:inline-image name="2.JPG"}}{{/hket:inline-image}}
- {{hket:inline-image name="1.JPG"}}{{/hket:inline-image}}
細細粒食量仲誇張到要現場工作人員阻止，因為佢喺食完4碗花膠之後，再想喺鏡頭前試食其他口味嘅食物，唔少觀眾都驚訝佢食量係一個無底洞！見佢咁食法，網民都好擔心佢健康，皆因2018年佢曾公開體重已達230磅，上年9月佢喺大陸接受隔離時磅重，個磅就顯示「ERROR」！好多人都驚佢遲早食出事！
亦有網民留言指細細粒直播唔準時，又指某啲佢推薦嘅食品味道同期望有好大差距，指佢呢個行為係拆自己招牌！
=========================
晴報MeWe 登場，即刻follow 我地啦：
➡️ https://mewe.com/p/skypost