與石詠莉結婚3年│鄧健泓傳曾為蓋世寶刀仔拮大髀 親自解畫強調分手亦是朋友

鄧健泓（Patrick）跟石詠莉結婚3年，非常恩愛，不時在社交平台放閃，一同努力追求音樂夢。Patrick近日獲倪詩蓓邀請，為電台節目《詩情廿四味》擔任嘉賓，分享自己入行以來的經歷，他大方提到舊愛蓋世寶，指大家再見亦是朋友，親自澄清當年為分手而刀仔拮大髀的傳聞。

{{hket:inline-image name="hh.jpeg"}}{{/hket:inline-image}}

{{hket:inline-image name="p2.jpeg"}}{{/hket:inline-image}}

{{hket:inline-image name="p1.jpeg"}}{{/hket:inline-image}}

集體回帶︳整容三嬌Freeze成功轉型 兩隊友成人妻40歲甄詠珊急求脫單【下一頁】

Patrick透露在加拿大留學時經常參加歌唱比賽，第一次參加比賽得倒數第三名。期間因家庭出現經濟問題，所以選擇回港生活。由於熱愛唱歌曾經參加「新秀」，更打入決賽，卻發現自己能力不足。比賽落敗後，Patrick獲得電視台的試鏡機會，被選中擔任兒童節目的主持。

Patrick表示自己主持三年《閃電傳真機》，跟譚玉瑛、張潔蓮和蔡子健合作。被問到是否跟蓋世寶（LuLu）拍拖，Patrick大方直認，同時趁機澄清當年二人分手時，有報道指他「刀仔拮大髀」自殘的傳聞，他說：「我記得我執梗啲玩具，有啲玩具擺喺我床頭，攞個機械人時，咁啱有把摺刀，我睇唔到，一攞 (玩具) 把刀就跌咗落嚟，好叻㗎喇，(把刀) 喺我眼前落，避開咗，但好可惜都係插咗落我大髀度。」他現時跟LuLu仍然是好朋友，結婚當日都有邀請對方出席，「梗係啦，Lu姐喎，點敢唔畀面呀？」

主持人倪詩蓓指雖然Patrick被傳媒寫成「花心男」，她發覺他每段戀情都相處幾年時間，算不上花弗，Patrick笑言：「最大問題係大家覺得我樣衰，咁我樣衰，但我啲女朋友又幾睇得吓！（妒忌你？）唔知呀，可能又有其他原因。」

（↓點擊圖片放大↓）

【命懸生死】石詠莉浸浴手腳變黑反白眼 老公鄧健泓曾幫佢搵返「靈魂」【下一頁】

倪詩蓓指Patrick唱歌和拍劇都有不錯的作品，但星途不太順利，他直認2007年生活出現問題，幸得到陳志雲先生給他好多好多的工作，令他事業重回軌道，「佢畀好多機會我，當時有好多閒言閒語，好唔開心，唔開心到冇晒信心，大家睇唔到我之前嘅努力咁。仲記得有一次張敬軒演唱會，我要做嘉賓唱《朋友2號》，我係後台同我經理人講，不如唔好上去唱，會唔會上到去比萬幾人嘘我？上台之後，好多人拍住手同我一齊唱，當下我就知道就算有一萬個人鬧過我，都可能有三、四千人聽我、支持我，我要為嗰啲人去做好我自己，於是無視負評並增值自己！」

（↓點擊圖片放大↓）

責任編輯：楊安莉