狼來了？│滕麗名撼頭埋牆額頭勁腫起樓 老公：「做乜一早化傷妝呀？」

滕麗名一向是「容易受傷的女人」，過往大大小小的傷都出現在她的身上，例如去日本滑雪跌倒而傷及肋骨，拍戲又不幸右腳膝蓋韌帶撕裂等等，今早她在IG上載自拍照，額頭腫起如鵪鶉蛋一樣，非常嚴重，原來她不小心撼頭埋牆，當以為老公朱建崑（Matthew）會安慰她之時，點知阿滕話......

上次人夫被唔落妝嘅人妻嚇親之後......佢聰明咗，

老公：老婆做乜嘢一早起身化傷妝呀！

老婆：係真㗎……撞咗個頭埋牆好X痛啊……

《愛回家》滕麗名負「傷」趕返屋企為老公煮飯 爆3招御夫術令7年婚姻保持恩愛【下一頁】

{{hket:inline-image name="joyce2.jpg"}}{{/hket:inline-image}}

點解Matthew會誤會阿滕嘅？事關去年後者忙於拍攝《陀槍師姐2021》及《愛回家之開心速遞》，難得收工趕回家為老公準備晚餐而忘記落妝，當時阿滕化上一個額頭受傷的傷妝，結果嚇親老公 ； 冇諗到今次老公以為狼來了「唔上當」，點知原來係真受傷！

至於「妹妹」熊若水呂慧儀就大驚，而黃翠如留言說「好大大粒，睇到都痛」。似乎網友見到個Post都以為係假，笑阿滕起咗一棟別墅，「啱啱未睇字都諗緊 （係真定假），化 （妝） 得咁似嘅？係加嚿嘢上去定用深淺色去突出佢」、「睇到都痛，好似Botox打錯位咁」、「真定假」、「係咪劇集預告咋？」等等。

（↓點擊圖片放大↓）

《愛回家》熊尚善亂入島大交換聖誕禮物 花絮片爆金城安係整蠱專家？【下一頁】

網友們何解又唔相信阿滕呢？事關《愛回家之開心速遞》播出今晚的預告中，她飾演的熊尚善額上真的生咗粒大毒瘡，要求男友潮偉（袁文傑飾）為她用電影化妝技巧執走佢。沒想到現實生活中真的發生「起樓」事件，可憐的阿滕......

（↓點擊圖片放大↓）