居住問題｜2家姐出嫁後終獨佔房間 港女欲棄碌架床自費換單人床 遭父母以3大理由拒絕

本港樓價高企令住屋問題難以解決，不少市民需與家人「蝸居」於細小單位或同睡一間房，而碌架床可謂是「慳位」恩物。一名港女日前在網上訴苦，指兩名姐姐出嫁後，她終於可以擁有自己房間，因而欲將碌架床丟棄，自費換一張尺寸較大的單人床，希望可以睡得更好。然而，父母卻以3大理由多次拒絕提議，令她甚為崩潰。

「唔畀扔張碌架床，我可以點？」該名港女上周六（9日）在網上討論區「連登」發帖，指兩名姐姐結婚後，終於可以擁有自己房間，因而打算將房中碌架床丟棄，自費換一張尺寸較大的單人床，「畢竟好似我呢啲成日要OT（加班）嘅人，睡眠質素真係好重要。」

她認為碌架床有「空間嘅壓迫感」，可是父母卻以以下3大理由拒絕其換床提議：

（↓點擊圖片放大↓）

事主對此感到崩潰，直言其實自己不介意在姐姐們回娘家時出去住酒店，「反正成日OT，又或者同阿媽孖鋪（佢同老竇分床瞓，佢張床好大）。」她表示有嘗試去反駁父母，無奈兩老「嚟嚟去去都係重複同一樣嘢、堅持己見」，令她不禁大呼：

「究竟可以點......每次一講起一激動就會喊......乜嘢都做唔到......驚會因為張床令我同屋企鬧翻！」

此事引來網民熱議，有人認為事主可以「先斬後奏」自行將碌架床丟棄，另有人著事主快點結婚或搬走，過自己想過的生活：

（↓點擊圖片放大↓）

對此，事主認為碌架床當初是由父母所買，因此丟棄前理應先詢問對方，以示尊重。她又指，自己未知何時可以出嫁，而且亦未有能力搬走，「啱啱開始返工未有能力住」。此外，她又無奈地稱：

「其實家姐們仔都未有，家姐都冇問題嘅，只要我安置好佢哋嘅嘢就得，家姐有幫過一兩吓，不過（父母）都係嗰幾句啦！」

離婚爸覓第二春女友帶兒遷入，女兒憂被趕走：我讀緊書邊有錢，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴