萬千星輝頒獎典禮2020│馬國明未能冧莊視帝網友照催婚 大讚湯洛雯身材弗有肉地好攬

《萬千星輝頒獎典禮2020》昨晚圓滿舉行，大會安排所有藝員在紅地毯出場時，未知是否刻意而為，一雙一對的夫妻或者戀人都是分開出場，觀眾未能見到他們甜蜜「同框」。而馬國明跟湯洛雯這一對，不單止一齊接受訪問，更你一言我一語肆無忌憚瘋狂放閃。事緣早前湯洛雯在社交平台提到，如果馬國明冧莊視帝的話，兩人就會結婚拉埋天窗。雖然馬國明笑指女友是深信他沒機會才會下這樣的賭注玩笑，但網友豈會放過他？

萬千星輝頒獎典禮2020│ 陳自瑤懶理王浩信超性感登場 湯洛雯幸福肥現水桶腰麒麟臂【下一頁】

{{hket:inline-image name="TONG11.JPG"}}{{/hket:inline-image}}

昨晚馬國明跟湯洛雯滿場飛，如糖黐豆一樣形影不離。女方不時輕拍男方胸膛，一舉一動都滿是浪漫甜蜜。而馬國明接受傳媒訪問時表示自己攞獎機會微，湯洛雯笑言：「如果佢真係攞獎，我咪向佢求婚囉！打破傳統，女仔都可以求婚，冇乜嘢所謂。」

馬國明的粉絲全晚最期待的一刻未有來臨，事關大會公布王浩信成為新一屆的「最佳男主角」，最終「求婚」亦沒有發生。馬國明失落獎座，未有失意，在社交平台自Po靚仔相，風騷問大家型唔型，網友則瘋狂留言：

「型呀，馬明。唔好灰心呀，要加油呀。下年一定攞到視帝，要娶靚湯呀，靚湯等緊你」、

「型到爆，祝福你同靚湯幸福快樂。」、「靚湯話你攞視帝佢求婚，咁而家攞唔到咪你求婚囉！」、

「結婚結婚結婚」、「仲結唔結？」、

「做新郎嗰日咪型囉！」等等，冧莊與否，網友一年四季照樣催婚。

而馬國明、湯洛雯否認已經註冊，將來有開心事一定會公開。

（↓點擊圖片放大↓）

2021年新年快樂│湯洛雯開綠燈只要一個條件即嫁 馬國明娶老婆9日後自有分曉【下一頁】

對於女友湯洛雯被指「幸福肥」，馬國明笑言：「唔係好覺呀！覺得佢好弗！最緊要係身體健康。（有肉哋最好攬？）你叫我點答啫！都幾㗎！」在旁的湯洛雯即時撒嬌指男友不喜歡女仔太瘦。

（↓點擊圖片放大↓）

責任編輯：楊安莉