新界得4℃︳米雪65歲活力爆燈跑步做義工 派禦寒物助露宿者度凜冬

天文台發出寒冷天氣警告，更預測未來幾日本港天氣持續寒冷，將持續6天至下周三（13日）。

{{hket:inline-image name="135706506_2813960068862128_1809614343738080351_n.jpg"}}{{/hket:inline-image}}

相信大家為咗「避寒」都唔會喺街上流連，不過就唔係人人都咁好彩有個「瓦遮頭」，好多露宿者都要諗計度寒冬。米雪尋日就為一班露宿者收集物資，65歲嘅佢仲要係朝早做完運動，到中午再做義工，真係好有活力，米雪留言：「早上#跑步 ，中午當#義工 ～收集禦寒物，水壷等派發給露宿者～抵禦即將降温的寒冷天！」

唔少網民都留言大讚米雪人美心善，指佢Keep得咁好係有原因呀 :「相由心生，值得學習！」、「咁凍仲一早起身做運動，米雪姐姐真係好自律！」

（↓點擊圖片放大↓）

其實米雪一直以嚟都為善不甘後人，上年嘅《歡樂滿東華》表演扇舞為機構籌得近40萬元；年中時又聯同「福幼基金會」到地區派飯幫基層；米雪又代表御精英團體，捐出30萬元善款予「人間有情慈善基金」慈善團體，佢當時表示：「這個基金創辦人陳恩德先生好有心，經常做慈善，我同佢講，成日捐錢幫人，不如搞個基慈善金，去幫助有需要的人，好多老人家和小朋友都需要幫助。」