許廷鏗IG被入侵狂刪重要帖文 換性感女頭像因禍得福增粉過千

許廷鏗日前剛在《叱咤樂壇流行榜頒獎典禮2020》首奪叱咤男歌手金獎，新一年有一個好開始，點知噚晚11點幾，佢嘅IG畀黑客入侵，頭像換上一個低胸性感女，仲出咗反轉嘅土耳其國旗post！

{{hket:inline-image name="134522455_707262953258943_4959870326079811913_n.jpg"}}{{/hket:inline-image}}

許廷鏗喺FB出post求救，「Instagram被hacked #點解要揀一張咁冇taste嘅相做profile #唔好再delete我啲post啦 #打得好辛苦㗎救命 #你邊度人啊」。

未幾，經過許廷鏗同IG嘅官方工作人員交涉，終於喺凌晨「重奪主權」，許廷鏗IG留言：「各位我回來了！剛剛幾個小時經歷了2021的第一個失而復得，我以為會失去了我的Instagram Account。我剛才真的好慌亂，見住一張一張相片被消失，用心雕琢的文字慢慢不見，真的好心碎。我沒有誇張，雖然說是虛構網上平台，但原來當一件事你長年累月、苦心經營真的會好揪心。想到還有大家的留言、dm、鼓勵，我就差點忍不住了......」

{{hket:inline-image name="135492187_159781482585161_1455354719651900393_n.jpg"}}{{/hket:inline-image}}

許廷鏗喺帖文配上一張抹眼淚嘅相，「這張相，攝於當我拿了『男歌手金獎』的後台一瞬間，台上再鎮定我都會有情緒爆發的時候，是感動的眼淚，正好用來表達我現在的感受。」

（↓點擊圖片放大↓）

最後佢多謝家人朋友嘅幫忙同慰問，話會繼續有乜嘢都喺IG分享交流，亦好快轉走張低胸性感女profile相 。不過許廷鏗竟然因為呢件事「因禍得福」，追蹤佢嘅粉絲數量不跌反升，短短幾個鐘已經多咗千幾人追蹤佢！搞到佢哭笑不得，反問大家其實「係咪鍾意大波妹多啲」。