胡鴻鈞搵《造星III》John教跳舞 倒模似照鏡自認做林躍翰契細佬

ViuTV真人騷《全民造星III》掀起全城追看熱潮，早前Boxing Day舉行總決賽，經過三輪比賽後，最終由Ben奪得冠軍，陳葦璇及ANSONBEAN分別奪得亞、季軍。雖然得三個人勝出，但個個選手都因為比賽人氣急升，可以話係有賺無蝕。

{{hket:inline-image name="3ZyeGeZgmh9uTHjND977ZDiCmtQH9WopMZRubTGUbm0.jpg"}}{{/hket:inline-image}}

比賽仲為佢哋帶嚟唔少工作機會，今日胡鴻鈞（Hubert）就喺佢嘅社交平台Post同「翻版胡鴻鈞」嘅合照，「翻版胡鴻鈞」其實就係《全民造星III》十強爭奪戰中敗給ANSONBEAN（陳毅燊）嘅John（林躍翰），Hubert透露自己搵咗佢做跳舞老師。

胡鴻鈞留言：「新的一年，忽發其想，不如去挑戰一下自己，謝謝@yakh27接受我的邀請，當了我半天的跳舞老師，辛苦你要教我這個舞蹈奇皅，也謝謝@rockinair出手相助，從旁指導。2021，繼續嘗試，繼續挑戰！最後，他不是甚麼翻版胡鴻鈞，他叫林躍翰。 #其實我先係翻版林躍翰 #20歲咋陰公 #20歲嗰陣我做緊乜 #佢嗌我前輩嗰陣我不知幾想掉頭走 #今晚6點有得睇我嘅成果 #如果我跳得唔好一定係佢教得唔好 #一定係咁 #遲啲仲有得睇我上堂嘅𤓓樣」

（↓點擊圖片放大↓）

唔少胡鴻鈞嘅朋友同網民都搞鬼留言，除咗驚嘆二人真係好似樣之外，仲叫二人上契，大對方十歲嘅胡鴻鈞爭住認自己係契細佬，不過佢朋友都讚佢「樂逆齡」嘅外貌，話係細佬都仲呃得吓人！

撰文：黃蘊姿