破壞生態｜元旦假期塔門涼亭淪垃圾站 遊人漠視生態「沙地」生火煮食嘆酒

在一連3日的元旦長假期，不少人都趁機到郊外「親親大自然」。其中在疫情下因過多遊人前往露營而「鬧草荒」的塔門，元旦假期過後涼亭周圍布滿各種垃圾；即使清潔工及義工無間斷地清理亦不果，總會有人「新鮮製造」，令不少網民炮轟製造垃圾的遊人極度自私。

「呢度喺塔門個亭，我以為去咗垃圾房，成地垃圾！」Facebook專頁「西貢牛」今日（3日）凌晨發帖，指元旦假期過後塔門涼亭周圍布滿垃圾。從其上傳圖片顯示，垃圾堆中不乏青口殼、蜆殼、蛋殼、酒樽、膠酒杯、即棄餐具、口罩，以及飯盒、即食麵、杯麵、暖包等各式包裝，

「真係好好伙食，但無人想知你哋食咗咩，包裝袋同啲青口殼雞蛋殼成地都係，仲有大量暖包包裝膠、同好多包裝袋呀。」

而且，有遊人甚至直接在「沙地」上生火煮食，令「西貢牛」不禁大罵「破壞沙地已經變得常見」。

（↓點擊圖片放大↓）

「西貢牛」續指，切勿誤會以上大量垃圾的出現，是因為「好耐無人清走先係咁」，直言這些垃圾是「新鮮24小時內製造」，

「清潔牛叔已經日日無間斷不停清垃圾，義工亦表示尋日黃昏時個亭係未有呢啲垃圾嘅。喺個亭行去垃圾桶，1分鐘路程都唔使，廿幾步就行到，都唔識拎垃圾扔去垃圾桶！」

此事引想網民熱議，不少人留言怒斥涉事遊人極度自私，並慨嘆塔門早已被破壞得風光不再，「塔門已經寸草不生，仲要咁多垃圾」、「8年時綠油油，8年後光禿禿，再8年後垃圾堆填區」、「豪飲豪食過後，就剩下大量垃圾，教育咗咁多年仲係自私行最先，唔識垃圾分類之餘仲要唔識自己垃圾自己帶走，唔該佢哋唔好再去享受大自然」、「見到咁樣就傷心,點解唔好好珍惜呢」。

塔門鬧草荒野牛食垃圾充饑，義工團每周4日跋涉送草解困，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴