鐵路迷｜15歲弟弟聖誕假困房扮港鐵車長 姐姐崩潰求救：「到站」先肯開門

不少「鐵路迷」或都曾幻想自己是港鐵車長。一名女網民日前發文求助，指其15歲弟弟每天困在房內6小時以上，扮作港鐵車長模擬駕駛列車，甚至會模仿車廂廣播和列車行駛的聲音，即使外傭敲門也要待「到站」後才開門。弟弟的舉動令她大感崩潰，直言「忍夠」並發文求救。

一名女網民上周五（1日）以「有無人知我細佬咩事？」為題在網上討論區「連登」發文，表示現年15歲的弟弟整個聖誕假期都在模擬駕駛港鐵。她形容對方把房間當成港鐵駕駛室，每天在裡面叫著「下一站XXXX，左邊車門打開」以模擬車廂廣播，連「中、英、普通話都講晒」，更會模仿列車行駛的聲音，

「喺度『Wowowo』，佢係真係做到好專業咁，站同站之間用幾多時間真係跟足，例如油塘去鰂魚涌過海真係耐好多先『到站』開門。」

對於弟弟的行為，事主認為「間唔中玩吓唔緊要」，惟對方每逢周末就用上數小時在「駕駛港鐵」上，聖誕假期間更每天最少花6小時以上，令她大感無奈，直斥弟弟「有書唔溫，做埋呢啲嘢」，

「好彩佢自己一間房， 如果同佢一間房真係煩死， 吓吓鎖門『到站』先開門。」

車長「上身」不隨便打開房門

此外，事主形容弟弟終日把自己關在房裡，家人不知道他「駕車」的情況，但從外面可清楚聽見其「廣播聲」。惟他在「行車」期間不會隨便開門，即使外傭敲門他亦會待「到站」後才應門，「然後每個站都企出嚟睇一睇再入返去」，如同車長「上身」。她又憶述指：

「前排我哋叫Pizza食，啲嘢到咗之後，我同佢講『下一站Pizza Hut』，我以為佢真係會受引誘即刻出嚟，點知佢係叫大家咩咩下一站要落車，請所有乘客離開車廂，等下一班，落咗客仲就咁擺部嘢喺度出嚟同我哋食Pizza。」 

住屋問題│一家四口居200多呎公屋，哥哥女友入侵長住「霸地盤」，同房妹妹淚訴：我被變成外人，詳情即睇：【下一頁】

情況持續半年 醫生指「純內向」

對此，事主指弟弟無任何地鐵玩具，僅純幻想自己是港鐵車長，情況已持續約半年。她形容對方平日都會乖乖做功課，每逢周末才會「上腦」，

「我諗緊如果帶佢搭多啲地鐵會唔會好啲......會唔會係佢太掛住地鐵？」

針對弟弟的情況，事主透露家人曾帶他去看家庭醫生，惟對方指弟弟只是「純內向」，並非患有自閉症，惟她認為弟弟的症狀跟亞氏保加症相似，遂發文徵詢網民意見：

「再睇埋開學之後點先，搵Counsellor（輔導員）唔搵精神科會唔會有用？」

不少網民看到帖文後，卻認為事主弟弟僅是表現對交通工具的熱愛，行為並無不妥，

↓ 點 擊 圖 片 放 大 ↓

但亦有人懷疑事主弟弟患有自閉症，建議兩姐弟多作溝通，以了解對方想法，

↓ 點 擊 圖 片 放 大 ↓

居住問題｜屋企細無房要瞓廳向母提議裝修，港男一句怨言被網民轟「學咩人獨立」，詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀