雙祥見│張衞健拍《西遊記》跪求馬騮 「豬八戒」黎耀祥點解唔肯再拍？

阮兆祥及黎耀祥主持的《雙祥見》最新一集請來張衞健和麥長青（麥包）做嘉賓，黎耀祥和兩位嘉賓當年曾合作劇集《西遊記》，「三師兄弟」終於有機會重逢，三人回憶當年拍攝點滴，笑談經常在清水灣片廠拍至凌晨三、四點才收工，但清晨六點便接外景拍攝，睡覺時間其實只得兩小時，為爭取時間休息，三人通常不卸妝便席地而睡，至於健仔的「馬騮精」造型就最大鑊，他說：「有時攰到邊化妝邊瞓覺，化妝師扶住我個頭，一邊幫我化妝同貼啲馬騮毛，我就喺到瞓覺。」麥包指健仔是倦到叫不醒，要他幾師徒的戲份時，要夾硬叫醒他。

{{hket:inline-image name="94.jpg"}}{{/hket:inline-image}}

張衞健、麥長青獲阮兆祥和黎耀祥邀請任節目《雙祥見》嘉賓。（圖片：大會提供）

《西遊記》中，健仔飾演孫悟空、祥仔演豬八戒，麥包則演沙僧。麥包說因三人是劇中主要角色，就算不夠時間休息都要保持狀態來帶動現場拍攝氣氛，若然三人狀態低落，便會影響其他演員。健仔指當大家疲憊不堪時氣氛便很難帶動，他說：「印象最深刻係喺廠拍攝水簾洞，嗰日係拍水簾洞嘅最後一日，但拍到凌晨三點幾都未拍完，但嗰晚無論如何都要拍晒，你哋都知道水簾洞有好多老馬騮細馬騮（臨時演員），拍到三點都未拍完，見啲馬騮好多已經攤喺石上瞓咗，完全頂唔順。我真係試過拍到尾嘅時候跪喺到，跪住講唔該你哋幫幫手，仲有三場咋，麻煩你哋玩下跳下。」

最怕師父失蹤︳《西遊記》師兄弟《雙祥見》聚頭 獨欠「唐僧」江華全因梅小惠? 【下一頁】

（↓點擊圖片放大↓）

健仔不禁苦笑：「身為猴子王齊天大聖孫悟空，喺鏡頭背後竟然係要低聲下氣求番啲馬騮仔幫忙。」阮兆祥問三人可會再拍《西遊記》？健仔竟然想演豬八戒，覺得角色發揮多，沙僧則免，因為唔夠力去抬起個木箱。黎耀祥則表示不想再拍，因為實在太艱辛，亦難以再演回從前的豬八戒，反而麥包說若果可以再重新演一次沙僧，可能會演得更好。

{{hket:inline-image name="93.jpg"}}{{/hket:inline-image}}

四人如果可以合作拍劇，應該好有新鮮感。（圖片：大會提供）

撰文：衛紫敏

叉燒達人︳陳凱琳做一日食神試食5店叉燒 貴至$232平到$60最後邊間封王? 【下一頁】