借定唔借？｜妻向老闆借10萬買樓獲一口答應 港男始料不及陷苦惱：唔知咩居心

香港樓價高企，即使儲夠錢付首期，日後供樓費用都令不少人感到吃力。有港男打算與太太買樓，兩人計算後有足夠資金付首期，惟太太希望「手頭鬆啲」，故提出向上司借錢買樓。事主當時隨口說好，未料太太上司竟然一口答應，遂引起他內心懷疑：「唔知咩居心……」惟他現時騎虎難下，故於網上發帖請教意見。

該名網民周一（28日）在「香港討論區」發文，以「我老婆問老細借錢俾（畀）首期」為題，指拍拖以來都有與太太儲錢，早前一同看過不同樓盤，計算過後認為有足夠能力支付首期，

「唔係多但都夠嘅，傳統啲諗有自己嘅屋，好過幫人供樓，不過上埋會就要即刻開始供。」

由於太太希望「手頭鬆啲」，並想預留更多裝修預算，遂向事主提出向老闆借3個月薪金支付首期，並稱「老細一直都好關照我」，日後再慢慢還錢。事主當時認為其老闆不會首肯，所以就隨口話『好呀，問吓無壞』。」

患腦癌女友奇蹟康復想結婚 男友認渣男欲分手：沒信心會幸福，詳情即睇：【下一頁】

對老闆答應借錢始料不及 質疑對方別有用心

怎料太太老闆一口答應，並一次過借出10萬元，事主聞言後即質疑對方「唔知咩居心」。然而，由於當初同意太太向老闆借錢，若現時「反口」恐有不妥，直呼苦惱：

「我而家騎虎難下，唔想借，但我老婆又已經好開心咁覺得解決咗件事⋯⋯都怪自己衰多口同太有自信⋯⋯」

事主又透露，太太的老闆是已婚男性，育有2名子女，太太亦大讚老闆對員工照顧有加，「老婆覺得問親戚朋友都係欠人情仲有說話聽，反而佢老細好照顧員工，唔會有問題咁話喎。」他續指，內心實在難以接受，亦對太太老闆的行徑心存懷疑，「可能係我少見多怪，我覺得啲老細唔會肯咁順攤借10萬出嚟畀個員工。」

網民反應各異  不少人籲應三思

帖文引起大批網民熱議，不少人認為事主和太太不宜向老闆借錢，「呢個價值唔係10萬，而係一個人情。兄弟，你有排還呀」、「借老闆錢真係好？借完之後無錯每個月逐啲還，但老闆日後有乜嘢事一定第一個搵你」；亦有人與事主一樣質疑老闆是有居心，「帽事嘅」、「夫妻如衣服，綠帽唔怕戴」、「咪咁天真啦！記住呢個世界永遠無免費午餐」。

另有人認為應視乎老闆人品如何，「有幾出奇？有啲人賺錢賺得爽手，對人係爽快少少」、「我覺得老闆借3個月（糧）給員工是大有可能，幫到員工可以令她對公司更有歸屬感，但當然也要看看她過去的工作表現」；並稱既然已借錢，再多想亦無補於事，「唔借都借咗，開心啲啦，諗吓點樣裝修間屋好過」。

同場加映：

{{hket:inline-image name="hse311220201.jpeg"}}{{/hket:inline-image}}

有女網民在網上發帖，指姪女與男友已達談婚論嫁階段，男方近日提出夾錢買樓作婚後居所，但要求要以「分權契」（即分權共有）形式購買，「原因話萬一佢有乜嘢事要保障佢阿媽」，令姪女感到猶疑是否「嫁得過」。

此事引來網民熱議，有人認為男方提出「分權契」，是沒有意欲要保障未來妻子及子女的生活：

（↓點擊圖片放大↓）

另一方面，有網民認為在未結婚前，男方提出「分權契」並無不妥；亦有人建議，情侶之間在婚前不應夾錢置業：

新郎反口$7.8萬利是變$1.1萬，新娘企硬寧悔婚：開車走吧，詳情即睇：【下一頁】

每朝索取《晴報》：精明生活．健康家庭．開心娛樂

撰文：賴天兒