《愛回家》細龍生疑被拍到巴士坐喼頭耷耷 殺入威龍秘密網親自回覆網友

《愛回家之開心速遞》一向廣受觀眾歡迎，近日有網友報料，在「威龍秘密網」FB群組分享一張照片，影到一張極似「細龍生」鄭世豪的相片，相中人戴帽、眼鏡和口罩，坐上相機安全箱上，頭耷耷玩電話。當網友在群組中議論紛紛之際，沒想到鄭世豪用自己acc殺入討論區，親自回覆網友的疑問，非常有趣！

【萬千星輝賀台慶】《愛回家》細龍太性感現身同細龍生「合體」 「好開心有機會見番大家」【下一頁】

{{hket:inline-image name="124235276_148161807044741_1064872445924576068_n.jpg"}}{{/hket:inline-image}}

鄭世豪在巴士出現？到底真定假？(鄭世豪IG）

{{hket:inline-image name="91040223_555151031779803_8178593430154779329_n.jpg"}}{{/hket:inline-image}}

細龍生和細龍太在《愛回家之開心速遞》中是大受觀眾歡迎的一對CP！(鄭世豪IG）

上載該照片的網友稱相片是媽媽影到的，她沒有上前打招呼影相。不少粉絲都非常羨慕，紛紛留言說「我也希望搭巴士可以見到鄭世豪哥哥」、「呀 ! 係鏗鏘哥哥呀 !」等等。而世豪搞笑留言：「哈哈好似，令我都想追尋一下呢位失散咗嘅兄弟。伯母平時搭幾號巴士？我去搭偶遇下先。」

有網友說「成日喺佐敦見到佢同佢老婆」，世豪即時糾正指該「老婆」是指其妻而非「細龍太」陳偉琪，亦有人笑言劇中的他經常以垃圾桶為伴，轉數快的世豪回應：「個喼裡面有冇(垃圾桶)，你點知......」

《愛回家》細龍生失勢狂踢垃圾桶發脾氣 細龍太近照洩密有機返劇組？【下一頁】

世豪接受《晴報》電話訪問時表示：「係啊，今次網民認錯係我，所以上去講番，順道同大家交流一下。平時出入我主要係搭公共交通工具，通常sense到大家認得出自己嘅時候都會打打招呼、點點頭，有熱情啲嘅fans也會拍拍照。至於認錯我呢，我諗機會不多，但今次畀人認錯嘅相中呢位朋友，真的超似我！」對於他殺入「威龍秘密網」現真身，世豪說：「時不時都有睇吓討論區，今次就係朋友send畀我睇嘅，真係好搞笑呀，多謝大家支持！」

雖然今次網友擺咗大烏龍，不過造就一次演員跟網友的直接對談都幾有緣。其實世豪對巴士有種情意結，他跟太太就是在巴士上結緣！世豪曾在訪問中提過跟太太是在同一屋邨長大，而且住在同一層，小時候返學已經經常留意她，沒想到長大後搭巴士偶遇她，世豪便鼓起勇敢搭訕兼交換電話，成功追求對方。世豪結婚時特別租一架同一路線的巴士影婚紗相，別具意義。

責任編輯：楊安莉