何守信前妻︳82歲邵氏影星歐嘉慧美國離世 老友胡楓傷心:佢對朋友非常好

昔日邵氏粵語片影星、前無綫藝人歐嘉慧於12月26日在美國逝世，享年82歲。前麗的小生劉緯民證實歐嘉慧於本月26日離世，兩人已經10年沒有聯絡，對於老朋友離開感到惋惜。

{{hket:inline-image name="Au_Ka_Wai2.jpg"}}{{/hket:inline-image}}

胡楓係歐嘉慧多年好友，佢表示知道對方死訊，更指對方返港時，都會約一班朋友見面食飯：「聽聞講12月26日，喺佢先生扶住佢行嘅時候離世嘅，我哋一年差唔多都有通電話1、2次，佢生活好幸福，據講佢個山嗰度有5間別墅，有1間係佢嘅，平時佢唔煮飯㗎！日日食飯都落山，去啲餐館食飯。」胡楓指歐嘉慧得病已好幾年，佢嘅離世好多朋友都好唔安樂、好傷心，因為歐嘉慧對朋友非常好。不過胡楓就話唔知對方咩病：「總括嚟講佢係好幸福、好幸福咁過咗呢個晚年！」

（↓點擊圖片放大↓）

歐嘉慧是昔日著名粵語片影星，在17歲加入邵氏做藝人，先後演出過52部電影作品，其後加入無綫電視拍攝電視劇，主要作品包括《心焰》、《財歸財路》、《啼笑因緣》等，在70年代可謂達到事業最高峰，其後因演出《歡樂今宵》而認識何守信，雖然當時何守信名氣不大，但歐嘉慧很欣賞何守信的才華，兩人在1973年結婚，但這段婚姻只維持了兩年，有傳當時因汪明荃介入，離婚後歐嘉慧逐漸退出影壇，並移民到了美國生活。

{{hket:inline-image name="54fbb2fb43166d227653ddbb442309f79052d2fd.jpg"}}{{/hket:inline-image}}