張栢芝保持水準唱《星語心願》 網民呻難受:聲帶似飲完鏹水

日前傳張栢芝將會參與拍攝第2季《乘風破浪的姐姐》(中國芒果TV推出的女星競演真人show)，同一眾參賽「姐姐」大鬥唱歌跳舞，原本大家都好期待栢芝嘅表現，但佢日前商演時的「歌喉」就令期待變成憂心。

{{hket:inline-image name="0024BOu9gy1gm3p3m4ugvj61te2rhx6p02.jpg"}}{{/hket:inline-image}}

喺內地好受歡迎，yeah又出show搵錢嘞！（微博圖片）

栢芝日前現身廣州商演，演唱「飲歌」《星語心願》(1999年電影《星願》片尾曲)，一出場就向觀眾道歉指自己失聲，「唔好意思，我冇彩緋過，我會盡力，希望你哋可以多多包涵。」開始表演後，栢芝第一段「咪嘴」，第二段先至係現場真唱，見佢聲音沙啞，更頻頻走音同破音，仲一度「搶拍」 ; 之後栢芝揞一撍耳仔，意思應該係同工作人員講自己聽唔到音樂。

（↓點擊圖片放大↓）

表演完畢，栢芝再次向觀眾連番道歉，「我都忍唔住想笑！我18歲出道，到今天40歲唱呢首歌，可能真係最近比較忙 (拍攝節目) 而失聲，但我唔理媒體或者你哋現場聽到有幾多失聲、走音，又或者我唱唔到……我覺得作為一個歌手，最重要係認真對待每一位觀眾！頭先我可以遞支咪畀你哋，我都堅持將佢完整（唱完），希望你哋都可以感受到我哋嘅熱誠，同體諒我失聲。」

（↓點擊圖片睇栢芝全盛時期靚樣↓）

內地網民同香港網民反應唔太一樣，內地網民大讚栢芝身體抱恙仍堅持完成表演，非常專業，仲focus喺佢嘅顏值上面，指佢嘅靚樣挽救咗一切。香港網民話栢芝維持到「一貫水準」，指佢出道到而家都一直係聲音沙啞，好似飲完鏹水咁，質疑栢芝咁多年嚟都「狀況不佳」。不過點都好啦，睇嚟栢芝想喺《乘風破浪的姐姐》突圍就真係要下多啲苦功嘞！