車婉婉46歲登玉桂山慶生險拗柴 被嗌C9你係咪認錯人?

高齡媽媽車婉婉昨日又大一歲，為慶祝第46個生日，婉婉第一次選擇行山作為慶生節目，「過咗四十幾個生日，以前多數有好多朋友同我慶祝，正日都好晏先起到身⋯⋯今年，Q PaPa（老公Jonathon）問我生日有甚麼想做？我想行個生日山！」

婉婉稱連日來都祈求上天給她好天氣，最終上天讓她心願成真，更有3位男士陪伴壽星女向玉桂山進發，分別係她老公、細佬和BBQ的表哥Shaun 哥哥。但她婉婉就未有帶3歲兒子BBQ同行 (擺低畀邊個湊呢？)。

{{hket:inline-image name="46.jpg"}}{{/hket:inline-image}}

婉婉行完山，回家同囝囝BBQ一齊慶祝生日，阿仔見到個Snoopy蛋糕開心到眼睛發亮。(車婉婉IG圖)

{{hket:inline-image name="43.jpg"}}{{/hket:inline-image}}

對於今次慶生安排興奮之餘亦相當滿意。(車婉婉IG圖)

車婉婉笑3歲囝囝吃貨出名大食 BBQ點樣靠一雙手冧暈媽咪？【下一頁】

昨日天氣如婉婉所願一片藍天青空，風和日麗，婉婉穿上螢光粉紅色背心、螢光黃色波鞋，防曬帽加背囊，運動裝束相當Sharp醒。她在IG分享其中一段行山片，見她攀石過石時身手不太靈活，要碎步走過，一把男聲幫手旁白，「一條石隙中間，哎呀，出現咗個奇形怪狀嘅C9，佢衝出嚟喇！」，而婉婉則索晒氣說︰「就到喇，出口呀！有嘢食，有嘢飲呀！」

事後婉婉對被呼C9當然「唔啱聽」 ，在IG寫上，「我係C9？ 細佬，你係咪認錯人呀？」踏入46歲的她搞笑稱︰「唔經唔覺變咗C9 #要keep吓！」

婉婉行山連環圖

（↓點擊圖片放大↓）

行山經驗不多的婉婉，對選擇行玉桂山 (位於鴨脷洲東部的山峰) 自覺膽粗粗，她說因入劇組差不多三個月，完全零運動，狀態和體能未知能否應付，穿的還是波鞋而非登山鞋 ; 期間差點跣低，幸左手及時按著地才沒事，但手腕就險些拗柴！

這次行山慶生也令她悟出人生道理，就是人生所發生的事情都是高高低低，但有多少是你認為自己已經準備好、完全裝備好先至會發生呢？

撰文︰衛紫敏

吳雨霏IG玩舊相重溫造型不堪入目 相集露玄機昔日姊妹和解有望？【下一頁】