甄子丹大仔係四眼版「宇宙最強」 曾公開感激前妻:養到個仔咁大

「宇宙最強」甄子丹唔只打得，仲係圈中出名嘅「絕種好男人」，對老婆汪詩詩同一對子女嘅愛有目共睹，除咗咁之外，仲對前妻同佢哋嘅大仔亦非常盡責。

{{hket:inline-image name="56378128_2389264174689404_2982369865454626963_n.jpg"}}{{/hket:inline-image}}

日前甄子丹分享同3個仔女嘅合照，並留言「I’m a lucky father!」，大家或者成日都見到佢Post同阿女仲有細仔嘅合照，但好似餅印咁嘅大仔相信大家就比較少見嘞！大仔Jeff眨吓眼已經25歲，其實甄子丹每逢大時大節都會同大仔相聚，同前妻亦冇交惡，關係和諧！

（↓點擊圖片放大↓）

甄子丹喺1993年與從事廣告工作的梁靜慈相戀，女方當時大讚男方為人真誠、純品，唔擔心對方因娛樂圈工作而受到引誘變得花弗，更強調對自己充滿信心！二人相戀短短三個多月就喺美國秘密註冊結婚，可惜婚姻維持唔到一年就離婚收場。其時，女方懷有身孕，雖然同前夫緣盡，仍堅持誕下兒子。

{{hket:inline-image name="30590405_1787762784643720_4652275370635034624_n.jpg"}}{{/hket:inline-image}}

甄子丹喺昔日的訪問中表示，從來冇對唔住前妻。梁靜慈懷孕期間，佢媽媽由美國返港照顧她，分娩時亦有陪伴在側，他憶述：「我同前妻拍拖初期，我嘅銀行戶口只有萬零蚊，都會攞晒出嚟送禮物畀佢，我敢發誓，由始至終，我絕對冇對佢唔住！」對於外界所指，因為萬綺雯的介入導致婚姻破裂，甄子丹斬釘截鐵再三強調絕非事實。有他每月都會畀5萬贍養費前妻，並安頓前妻同大仔住喺佢九龍塘嘅千萬豪宅，佢仲曾經公開對前妻表示感激：「養到個仔咁大，佢功勞唔少。」

撰文：黃蘊姿