豪門新抱︳郭碧婷產後罕有與全家出鏡 淡妝變晒樣:顏值開始向佐化

向佐與郭碧婷因為拍攝內地真人騷節目《最美的時光》撻著，兩人交往3個月就結婚，今年十月仲誕下千金「小奶皇」，母憑女貴，向太仲送咗北京、台北各價值1.6億港元嘅豪宅畀阿仔同新抱，另外送埋台灣林口兩塊地畀郭碧婷，等佢可以喺台灣起豪宅咁話。

{{hket:inline-image name="8713059973c8257603223b26a4cd9f4c.jpeg"}}{{/hket:inline-image}}

近日有消息指向華強及兒子向佐申請移民台灣。向太陳嵐於台灣出生、新抱郭碧婷也是台灣人，按照現行法例，港人依親移民的條件為有直系血親或配偶喺台灣設有戶籍；二人基本上符合條件移民。向太承認丈夫同阿仔拎台灣居留證件，不過否認佢哋移民台灣，拎「依親居留簽證」只係方便隨時出入台灣。

{{hket:inline-image name="6b2c26f2dab7912f788e527ae3e83e35.jpeg"}}{{/hket:inline-image}}

原本以為郭碧婷婚後要離開台灣定居，連郭碧婷爸爸都做好女兒遠嫁嘅準備，冇估到反而係向家「移磡就船」，錫到新抱燶呀！郭碧婷產後甚少出鏡，不過日前佢同老爺奶奶仲有老公齊齊為向家朋友拍宣傳短片，難怪深得向太歡心。

（↓點擊圖片放大↓）

短片中向太撓住老公向華強出鏡，而向佐和郭碧婷就各自亮相，產後嘅郭碧婷似乎仲未「回氣」，素顏略顯憔悴，面型比生B前削咗，唔少裝友都心痛佢係咪湊女太辛苦，叫佢要補多啲身呀！此外，佢嘅混血兒「神顏」似乎起咗變化，網民留言話郭碧婷「顏值開始向佐化」，指佢同老公越嚟越有夫妻相。