鄧紫棋男友送近80萬聖誕禮物 唔知以為Mark求婚:我要喊喇

歌手鄧紫棋（G.E.M.）同造型師男友魏俊傑（Mark）拍拖3年，期間Mark多次傳出負面新聞，不過都無損二人感情，G.E.M.多次公開力撐男友。

{{hket:inline-image name="133445388_217546206535322_7397266347244642929_n.jpg"}}{{/hket:inline-image}}

喺上海過聖誕節。（G.E.M. IG）

而Mark亦都用行動去回報G.E.M.，日前女方喺社交網Post咗一條佢拆禮物嘅短片，著上情侶裝嘅二人互動Sweet到爆，G.E.M.留言：「上個禮拜去琴行試鋼琴的時候，手癢試了一下這台Steinway B-211，結果實在太太太好聽，而且還有實時錄音和編輯功能！但是當時我看了一眼價錢……是我本來想買的琴的二十倍……對於一個考完駕照卻連一輛車都沒捨得買的我，這台琴實在有點貴重。」

{{hket:inline-image name="132191508_206381137819353_1871861323201619853_n.jpg"}}{{/hket:inline-image}}

G.E.M.話之後幾日對呢座琴念念不忘，又覺得自己從未擁有過一座三角琴，所以決定買起呢座心儀鋼琴。

翻查資料，呢座琴至少索價78萬港元，而Mark就毫不手軟咁買咗嚟畀G.E.M.做聖誕禮物！唔知情嘅G.E.M.拆嘅時候一直問係「咩嚟㗎」，結果拆完知道男友咁有心，忍不住喊起上嚟！用哭腔講「我要喊喇」，反應非常之真同可愛。她續指：「本來以為這是我買給自己的第一台三角琴，沒想到馬克哥哥居然送給我當聖誕禮物了，這可是我收過最驚喜的禮物。是真的開心到哭了，完全不是開玩笑！」

（↓點擊圖片放大喊包樣↓）

Fans們都好戥G.E.M.開心，覺得Mark真心錫佢，Fans留言，「好幸福呀」、「世上本沒有聖誕老人，一切的驚喜都來自愛你的人」，有人仲話開頭睇G.E.M.喊到咁仲以為男方要求婚，催佢哋快啲拉埋天窗，不過睇佢哋咁有愛，相信唔使等好耐就會有好消息啦！