最怕師父失蹤︳《西遊記》師兄弟《雙祥見》聚頭 獨欠「唐僧」江華全因梅小惠?

阮兆祥及黎耀祥主持的清談節目《雙祥見》聖誕特別版將於12月25日晚上十一時於myTV SUPER播出，今集有重量級嘉賓張衛健及麥長青二人坐陣。當年二人與視帝黎耀祥合作拍《西遊記》時飾演師兄弟結緣，事隔足足二十年，三師兄弟終於重聚，加上阮兆祥，實行齊齊大話西遊!

{{hket:inline-image name="TopBanner_WestJourney.jpg"}}{{/hket:inline-image}}

不過今次美中不足嘅就係獨欠夠未露面嘅「唐僧」江華，而三師兄弟罕有同場都係全靠監製梅小惠碌人情卡，原來四子均分別曾與梅小惠合演男朋友或夫妻。除咗同阮兆祥係大眾公認的螢幕情侶外；梅小惠亦曾與黎耀祥於《香港人在廣州》合演情侶；與張衛健於《巨人》合演夫妻以及於《人海綠皮書》飾演麥長青另一半，甚有淵源。張衛健同時與阮兆祥早於新秀歌唱比賽時結緣，識於微時:「佢一個電話嚟到，點能夠推呢!」拍攝期間張衛健同麥長青更一度要時間適應，因以往拍攝時梅小惠都會一同入鏡，如今卻坐在監製位置令佢哋感覺新鮮。

{{hket:inline-image name="20181029_34936b5d5c6500ea8918530ed3abcf87_wmk.jpeg"}}{{/hket:inline-image}}

{{hket:inline-image name="641.jpg"}}{{/hket:inline-image}}

是次雙祥見推出的聖誕加長版更由平時的十五分鐘增加至三十分鐘，三師兄弟重聚「雞啄唔斷」，拍攝當日仲要OT，而且聊天內容勁爆，梅小惠大呻「剪無可剪」 。節目裡四人把酒談心大談「男人經」，除咗有Dicky張衛健親自解開與Big Four四子開Party嘅傳聞之外，更鮮有談及與太太張茜嘅浪漫史，而黎耀祥都大膽談及「One Night Stand」，更即席叫祥嫂避席。另外三師兄弟亦會談及昔日拍《西遊記》時的辛酸史，更笑言辛酸程度能申請列入世界紀錄大全。

（↓點擊圖片放大睇訪問靚相↓）

撰文：黃蘊姿