傳足6年︳周迅搶先發「祝安好」宣布離婚 高聖遠激吻長髮新歡情書曝光

內地女星周迅2014年與美籍華裔演員高聖遠拍拖70日閃婚成為一時佳話，夫妻行事作風低調，經常分隔異地，婚後冇耐已頻頻傳出婚變。今年周迅連高聖遠嘅51歲生日派對都未有現身，令已經離婚傳聞更加似層層。今日周迅同高聖遠前後腳喺微博發布「祝安好」三個字，正式為二人婚姻劃上句號。

{{hket:inline-image name="1.PNG"}}{{/hket:inline-image}}

{{hket:inline-image name="2.PNG"}}{{/hket:inline-image}}

相信令二人公開「分訊」嘅導火線係一張高聖遠親吻長髮新歡嘅相噚晚網上瘋傳，引發外界熱烈討論。圖片係出自高聖遠新歡嘅ig，女方更高調tag埋高聖遠嘅帳號，另外仲有一封英文手寫情信，「親愛的，祝你旅途好運。充分利用每一天。我將滿懷熱情地等你。世界上也許有數百萬朵玫瑰，但我是你唯一的、獨一無二的玫瑰。我愛你。」

{{hket:inline-image name="unnamed.jpg"}}{{/hket:inline-image}}

高聖遠新歡在ig以英文信示愛，而男方ig過去同周迅嘅雜誌合照同結婚相已經悉數刪除。而男方新歡喺一張咀嘴相度tag咗佢另一位女性朋友，對方係空姐，所以有人猜測高聖遠嘅新女友好可能都係空姐。

（↓點擊圖片放大睇高聖遠新歡↓）