【真係筍工？】月薪達9萬 盤點應徵CEO私人助理的奇葩條件

行政總裁請秘書或私人助理乃平常事，做得高層助手唔多唔少都預咗隨傳隨到，以及幫老闆打理私人事務。近日，有網民於討論區上載一則貼文，表示有公司聘請CEO私人助理，月薪可高達9萬元，但當看到工作內容後，有網友表示工作有如「賣身」，即刻睇吓要應徵呢份工，究竟要符合幾多個條件：

住在老闆家中 或愈近愈好

當中有9大工作內容，其中做會議記錄、招呼應酬等都是家常便飯，但「不需要打卡回公司只需要跟着老闆」、「包食宿，住在老闆家中」、「一年有一個月假期，其餘時間都需要工作」則有點令人「側目」；最後還註明老闆是內地人、青壯年，一年多次（可能超過幾個月）海外出差。至於工作經驗要求則較為正常，但亦要「有3年以上助理、文書或金融銷售以照顧人為主要內容的工作經驗」。

{{hket:inline-image name="1223WLfeaturepageOK2.jpg"}}{{/hket:inline-image}}

▲CEO私人助理份工是否好做，完全是人夾人，但同時處理多項工作的能力是基本。

此帖一出，隨即引起網民熱議，不少人好奇那位CEO和所招聘的助理是男還是女，而且認為工作內容誇張，直言「同請工人無分別」；更有網民發現，不計睡眠時間、一日返足12個鐘、星期六日都要工作，即是每星期返72個鐘是基本，仍未計跟飯局，再加10-12個鐘，「除開人工仲低過經理級員工」。

雖然有指私人秘書的人工的確十分高，如跟到老闆的節奏叫價甚至可以更高，但此招聘標明該CEO是位青壯年，但依然要請人住在其家打理一切事務，兼顧「管家」職務，難免令人懷疑這位CEO非「常人」且欠缺自理能力，所以要請助理打點一切。如果每月有9萬但要做老闆「阿四」，如果係你又制唔制呢？

編輯：梁銚玶

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/