成功需父幹？｜網民列人生3階段比較公屋爸中產爸 被斥不應靠「父幹」：自己有冇努力過？

年輕一代常言道「成功需父幹」，形容成功與父蔭有莫大關係，但此觀念又是否正確？一名網民在「CUHK Secrets」投稿，分析從大學選科、住宿舍、外國交流、揀工、結婚等多方面，列出人生3大階段，在7個處境中比較「公屋爸爸」和「中產爸爸」在處理子女問題時的應對，因而引來網民熱議。

大學選科問題

該網民早前向Facebook專頁「CUHK Secrets」投稿，從7個處境中區分「公屋」和「中產」父親對子女教育的分別。他表示，面臨大學選科時，「公屋爸爸」會建議子女選擇商科，「畢業實搵大錢呀」；而「中產爸爸」就會建議子女依照自己個人興趣選科，「如果唔係呢4年你會讀得好辛苦，你揀咩爸爸都會支持你」。

讀大學面臨「住hall」問題

而當子女成功入讀大學後，可能會想住在學校宿舍。他指出，此時「公屋爸爸」就會拒絕子女入住宿舍，「屋企冇屋你住咩，咁貴慳返嚟食咗佢好過啦」；然而，「中產爸爸」就認為「住hall」是學習自立的好機會，更會鼓勵子女享受宿舍生活，形容為「讀大學一定要做嘅事」。

獲得外國交流機會

當子女獲得外國交流機會時，他指公屋爸爸會以支出昂貴為由拒絕，「咁咪會洗好多錢，去嚟做咩，香港冇書你讀咩」；但中產爸爸則會鼓勵子女趁年輕多見識，認為是擴闊眼界的好機會，甚至出錢資助。

畢業後找工作、見工

子女大學畢業後找工作時，公屋爸爸會建議子女以「人工高」作目標，「搵工最緊要人工高, 不過而家啲大學生都冇用嘅, 睇死你都係搵萬幾蚊」；然而，中產爸爸則會建議以長遠事業發展為目標，「唔好只係睇呢一刻嘅人工」。見工時，公屋爸爸會叫子女乘搭巴士，而中產爸爸則會親自開車送子女去見工。

子女未能找到工作

他又指，當子女未找到工作，公屋爸爸會建議子女投考保安，「做住先嘛，以為自己大學生好巴閉」；而中產爸爸則會動用人脈關係，介紹子女到相熟朋友公司工作，「約咗佢聽日呀，你上佢公司搵佢啦」。

準備結婚成家 解決住屋問題

當子女準備結婚時，會面臨到住屋問題。他指出，公屋爸爸會表示「屋企就冇位住多個人」，建議子女出去租劏房，再輪候公屋；中產爸爸就會替子女支付首期，助上車，甚至幫忙供樓，「如果供得辛苦記得出聲! 爸爸一定會幫你！」

網民斥事主醜化公屋

帖文引起熱議，不少網民不太認同事主說法，直指帖文顯示出其對基層與中產的認知不足，過份美化中產家庭，同時醜化居住公屋的家庭，「成日幻想中產老竇一定好有米，你估中產一定有樓，仲可以幫個仔畀首期咩？你覺得中產老竇好得閒，一定有時間車你」、「公屋大把人有車」、「其實將中產爸爸同公屋爸爸掉轉都得」。

此外，不少網民直言做人最好靠自己，「以上嘅問題，一條都冇問過，我連中學都自己揀㗎喎。點解要問爸爸媽媽意見？」、「呢啲嘢邊使問老竇㗎？自己諗掂佢啦」。另一位自稱沒有「父幹」的網民留言，笑指自己是「失敗者」，但從來不會埋怨父母：「唔否認有父幹人生會順利好多，亦唔否認窮人同有錢人永遠有段追唔到嘅距離，問心自己有冇努力過先」。

辣媽送12歲兒勞斯萊斯做生日禮物 盛惠$258萬被網民以一理由批愚蠢，詳情即睇：【下一頁】

每朝索取《晴報》：精明生活．健康家庭．開心娛樂