阿姨，我不想努力了｜港男為錢及名牌偷食已婚大媽 妻子再揭傷心真相：大話冚大話

近日「阿姨，我不想努力了」成為網上熱話，而現實中類似情況亦在上演。一名人妻日前在網上哭訴，指早前發現丈夫為了錢及名牌，竟然偷食一名已婚大媽，而且更「大話冚大話」，令她不禁慨嘆「日日瞓喺我隔離原來係個陌生人」。由於她表示與丈夫有「造人大計」，因此一眾網民紛紛留言勸停。

「佢為咗錢同名牌而同咗個嬸嬸成日行街睇戲食飯（聲稱）！」該名人妻昨日（17日）在網上討論區「親子王國」以「老公同人哋老婆婚外情」為題發帖，指與丈夫由拍拖至結婚已經10年，惟幾個月前發現對方為了物質而與一名「失婚」大媽發展婚外情。對方東窗事發後聲稱與大媽拍拖2個月，但沒有超越事主底線與大媽發生性關係，

「佢話冇，我信佢。最慘喺呢個時候屋企人患咗重病，已經好頻撲好擔心，而佢就自己風流快活。」

港男月入3萬要求屋租AA制，妻呻家用僅$1000不夠買1周餸，詳情即睇：【下一頁】

由於攤牌後彼此覺得不能失去對方，因此關係好轉，上月更過了一個「好浪漫嘅10周年紀念」。但事主坦言，她為了周年紀念而準備很多，但想不到丈夫沒有任何準備，令她失望，「我以為經過上次件事，佢都會好珍惜我同埋咁重要嘅日子。」由於關係好轉，加上她已經30多歲，因此兩夫婦近月展開「造人大計」，希望誕下兩人的愛情結晶品。

然而，在揭發丈夫出軌4個月後，她再發現對方「偷食」後生女，「而佢哋應該一齊咗幾個月喇，我感應到唔妥，問吓問吓就知道咗，原來仲搞埋，好傷心」；更甚者，丈夫坦言女方已婚，但稱今次「真係知錯」。對此，事主表示自己不知如何是好，亦不知應否相信丈夫，

「我真係想話畀個女人嘅老公知（如果係真），佢老婆畀咗綠帽佢戴囉！兩個做錯事嘅人背叛咗愛佢哋嘅人，親手破壞咗兩段婚姻，有一刻好想令全世界都知。」

此事引來網民熱議，不少人認為事主丈夫並不可信，有人更指他是「老手一名，食家」，勸事主放手，「睇來你老公不止一個出軌對象」、「我係你就趁仲算後生及未有仔女就快啲斬纜」、「不建議生小朋友，不會綁住男人，只會綁住你自己」、「你老公這麼不可靠，不要生啊，否則你會很辛苦，個小朋友也是」、「原諒，有時是自虐」。

最後事主留言回覆，表示日前發現更多傷心真相，原來丈夫是在「大話冚大話」，「嬸嬸」非但沒有失婚，而且與事主丈夫的關係仍未完結，「如果我知係大話，仲點會想生仔呢？然後佢（丈夫）作咗個後生女出嚟。」她表示，丈夫與該名嬸嬸從沒「斬纜」，「仲要係有感情嗰隻」，慨嘆沒想過對方看似真誠地認錯，原來仍在說謊，

「仲聽講嗰個人妻有好多男人，唔通今次話完咗又真係完咩？我覺得好恐怖係，過去嗰7個月，日日瞓喺我隔離原來係個陌生人。不過以上可能又係大話......」

{{hket:inline-image name="E181220201.jpg"}}{{/hket:inline-image}}

台灣一名男子早前聲稱在網上認識62歲有錢「阿姨」，最後因「不想努力了」而接受對方。（網上圖片）

{{hket:inline-image name="aff181220201.jpg"}}{{/hket:inline-image}}

男子後來被揭開真相，原來是他將女友的臉用拍照app「老化」，營造出被包養的感覺。（網上圖片）

不解奶奶每月索近7000元家用，新抱悉真相感動：連我媽都不及她，詳情即睇：【下一頁】

每朝索取《晴報》：精明生活．健康家庭．娛樂資訊

責任編輯：李凱晴