王菲謝霆鋒復合7年再傳分手 「志趣相投」嫩男新歡被起底

現年51歲嘅王菲同40歲嘅謝霆鋒於2014年世紀復合，一直愛得好低調，極少同場現身。上次畀記者影到已經係去年3月嘅事。而正當大家都以為呢段曾經離合、橫跨二十年嘅姊弟戀打風都唔甩嘅時候，近日再傳出二人已經分手！

{{hket:inline-image name="121179404_369726061059640_3343143555515342046_n.jpg"}}{{/hket:inline-image}}

霆鋒主力喺內地發展。（IG圖片）

有傳王菲新歡嫩男Ryan經常陪伴左右，介入「鋒菲戀」嘅Ryan極速被起底，指佢原本只係王菲粉絲，最初追追吓星，後來經朋友介紹，因為啱傾啱玩成功埋偶像王菲身！

{{hket:inline-image name="faye_600.jpg"}}{{/hket:inline-image}}

王菲情歌好聽，佢嘅情事都好有追看性。（網上圖片）

最忠實「傍友」

過去兩個月，多次影到Ryan同王菲一齊。王菲今年9月為購物平台擔任直播嘉賓，而Ryan當時就同佢合唱兼和音。其後，網上又流出一段王菲同朋友唱K嘅影片，女方玩得非常投入，身旁有兩名男友人做和音，其一就係Ryan ; 王菲仲疑似依偎喺Ryan肩膀！到10月時Ryan又傍住王菲出席北京《草莓音樂節》。

Ryan不時喺社交平台Post自己嘅王菲專輯收藏，更曾貼出10年前王菲上海舉行演唱會門票並留言：「今天再回看這10年，跟做夢一樣。」令傳聞更加似層層。不過王菲同謝霆鋒都維持一貫低調，未有作任何回應。

撰文：黃蘊姿