觀眾讚《香港愛情故事》題材同對白非常貼近現實生活，十分有共鳴，特別是白彪所飾演的陳漢聲，一家五口擠在公屋單位中。人物的個性大男人不顧他人感受，日鬧夜鬧，除了成為犯眾憎的大聲公之外，更迫使結婚多年的太太莫少霞（龔慈恩飾）提出離婚 ; 而長子婚後搬出，長女又反叛離家，令白彪大感孤獨寂寞，憶起以往跟太太拍拖時的點滴，悲從中來。
香港愛情故事│梁証嘉由花心情聖變身狂躁男 演白彪年輕版連酒凹都要學埋？【下一頁】
白彪同龔慈恩合作，擦出不少火花。(《香港愛情故事》劇照）
這對夫婦日嘈夜嘈，引起網友共鳴，有感每日屋企都發生緊。(《香港愛情故事》劇照）
昨晚一集偷偷目送太太離家。(《香港愛情故事》劇照）
人去樓空，憶起以前跟太太拍拖的日子。(《香港愛情故事》劇照）
白彪今次飾演大男人的角色，不少網友都讚口不絕，指他的說話總是「熟口熟面」，更有網友笑言「每個屋企都總有一個白彪！」
白彪接受《晴報》電話訪問，對於網友對《香港愛情故事》讚口不絕，他說：「今次成功係團隊嘅功勞，我哋喺華富邨公屋單位實景拍攝，拍十幾日，個景真係好啱，拍出嚟質感好好。我同龔姐嘅火花最好，想同佢合作好耐，佢係一位好好嘅演員。我好無禮咁鬧佢，叫佢做呢樣嗰樣，佢又打理屋企，咁多年都唔出聲，就成為一個強烈對比。」
私下的白彪如何與太太相處？他笑笑口︰「我唔係劇入面咁樣嘅人，不過我父母呢就係咁樣相處，一星期三小吵兩大吵，我就喺咁嘅環境下長大。坦白講，以前嗰輩男人就係咁大男人，以為自己養老婆、養大仔女就係一家之主，要全部人聽晒佢話，思想好封建！」白彪1970年代迎娶任幼稚園教師的太太，兩人拍拖兩、三年就結婚，育有兩女一子，1990年代全家移民加拿大，現時兒孫滿堂合共五個孫，非常有福氣。「我結婚初頭都幾大男人，有次因為移民啲程序好繁複，我就講咗句『你識乜吖你！』，原來好大鑊，隔好耐之後有時拗交，太太再拎番出嚟講……原來佢覺得同我捱咁多年，照顧家庭，嬲呢句話嬲咗我好耐。」他直言那是衝口而出的說話，後來兩公婆學會多溝通，「自己就愛錫子女嘅，從來不會打小朋友，孩子長大各自有想法，我都想做個尊重佢哋、亦畀佢哋尊重嘅爸爸。」
《踩過界II》白彪演活大俠到小人物過足戲癮 「人老咗唔通叫你去做小生咩？」【下一頁】
自認曾經是大男人，慢慢學識同太太多溝通相處。（《晴報》林良明攝影)
呢一幕搞喊好多網友，白彪重溫時都忍唔住眼濕濕。（《香港愛情故事》電視截圖)
劇中囝囝結婚，勾起當年自己結婚的情景。(《香港愛情故事》劇照）
彪哥演屋邨市井男，戲味出晒嚟。(《香港愛情故事》劇照）
戲中囝囝成家立室，現實中白彪已經做緊外父兼老爺。(《香港愛情故事》劇照）
白彪直言，由於太太和兩個女兒在加拿大落地生根，自己在香港發展，不常見面，所以更加要懂得珍惜相處的時間，學習如何可以對家人更好。至於囝囝一家在香港，新抱所生的一對龍鳳胎寶寶成為他的生活動力之一，見到兩個孫的照片已開心不已，「疫情關係都差唔多成個月冇見，嚟緊冬至可以一家人食飯，真係開心！」
現時兒孫滿堂，福氣滿滿。（《晴報》林良明攝影)
白彪一對龍鳳胎孫仔孫女，非常可愛。（受訪者提供）
責任編輯：楊安莉