育兒經｜為圓老爺奶奶抱孫夢誕下兩女 媽媽8年來懶理女兒被兩老「縱壞」

現今不少父母會將子女交由「四大長老」照顧，不過有網民分享，其女親友為滿足老爺奶奶的「抱孫夢」，先後誕下2名女兒，但過去數年都將女兒交由兩老照顧，自己則只顧吃喝玩樂；最終女兒被兩老「縱壞」，兩老也因終日湊孫感太辛苦，而引發婆媳衝突。

Facebook專頁「生仔要考牌系列」周日（13日）刊登一名網民的投稿，事主表示其身邊一名女親友育有2名分別6歲和8歲女兒，惟兩女現時仍然不肯吃「大人食嘅飯餸」。

兩孩食飯只顧玩手機欠禮貌

事主指，2名女孩每次都要外傭煮「粥仔」、雞蛋和腸仔才肯吃飯，且要一邊吃飯一邊看手機。事主對此看不過眼，批評她們無禮貌，更形容兩孩：

「女仔之家日日鬼煞咁嘈，見到長輩又唔叫人。」

【自私家長】子女發燒仍被迫上學，家長拒早退：畀兩粒退燒藥佢得啦，詳情即睇：【下一頁】

女兒交長輩照顧被寵壞

事主表示，該名女親友的老爺、奶奶一直渴望抱孫，故她誕下女兒後便交由兩老照顧，以滿足老爺、奶奶的「抱孫夢」，自己則繼續吃喝玩樂，甚少「插手」管教2名女兒，久而久之令兩女被兩老縱壞。

直至最近，奶奶日夜湊孫終於「頂唔順」，為此終日與新抱吵架，事主形容他們一家人「永遠家嘈屋閉」，使其也不禁慨嘆：

「到底係生嗰個責任大啲，定抑或係逼人生嗰個責任大啲？」

網民：雙方都有責任

不少網民認為父母和長輩均有責任教育小孩，「生嗰個固然最大責任，但係縱嗰個都係有責任，太縱小朋友其實唔係好事」、「覺得兩老太過縱孫，父母應該出聲糾正同教返自己小朋友」、「照顧小朋友從來都係父母嘅責任！生小朋友邊有得逼，交功課咩？但『四大長老』過分寵愛都係種傷害」。

網民：小朋友嘈係正常

有人則指小孩吵吵鬧鬧實屬正常，「10歲、8歲嘈吓我完全覺得冇乜問題，小朋友就係咁」、「有啲小朋友性格係咁，冇得逼」、「你怎麼可以決定女仔可以做啲咩，唔可以做啲咩」、「邊個話女仔之家就一定要斯斯文文，男仔係咪就可以好『牛精』（意指蠻橫）？」。

【生仔要考牌】縱容5歲兒公園爭玩打人，港媽不滿怪獸家長無家教，完美演繹「他只是個孩子」，詳情即睇：【下一頁】

文章獲Facebook專頁「生仔要考牌系列」授權刊登。

每朝索取《晴報》：精明生活．健康家庭．娛樂資訊

撰文：蘇麗儀