林映輝昨日出席《長期服務暨傑出員工榮譽大獎頒獎典禮2020》領取「30年長期服務獎」金牌，她表示最慶幸的是跟兩位幕後工作人員一齊領30年金牌，因為兩位正是由她在《城市追擊》一直並肩作戰至現時《東張西望》的好拍檔，她說：「一齊領獎感覺大家經歷30年喜怒哀樂，特別要多謝KK，由《城追》我乜嘢都唔識，佢好好咁提點我又保護我，到而家大家一樣並肩作戰緊，真係好開心！」
《東張西望》林映輝陪婆婆當街狂質狠心姪仔 網友大讚主持人正義願眾籌幫忙【下一頁】
恭喜輝仔入行30周年。(《晴報》林良明攝影）
當年《城市追擊》輝仔感激幕後的幫忙，才能成功。（網上截圖)
輝仔《城追》主持的身分非常入屋。（網上截圖)
輝仔直言當年以藝人身分擔任《城追》的外景主持，特別是要採訪時事新聞，挑戰性甚大，「我完全冇記者經驗，靠自己去摸索，當日新聞報紙一出，開完會就出發去做，唔知頭唔知路，幸好新聞部同其他報館的行家都好幫手，見我霸唔到位又讓位畀我遞咪，所以辛苦得嚟又好溫馨。」採訪生涯中，輝仔難忘在機場守候剛在不丹完婚的梁朝偉和劉嘉玲，由於不知道他們出閘位，她最終要由機場接機大堂A跑去B ; 當她喘氣趕及，嘉玲的助手即時讓位給她遞咪，令她感動不已。
當年輝仔跟黃霑、安德尊等人合作無間。（網上截圖)
輝仔（上排右三白衣）跟《城追》台前幕後感情非常好。（網上截圖)
絕對是外景主持的元老級人馬之一。（網上截圖)
輝仔畢業於演藝學院，除了主持的工作外，過往都有不少拍劇的經驗，她直言每每拍劇都遇上貴人，腦海中總是好人好事。輝仔在《愛回家之開心速遞》飾演黃技安的媽媽，不時跟林淑敏、許家傑有對手戲，「多謝曾勵珍小姐搵我拍劇，以往多數演記者，今次搵我，起初都擔心自己勝任唔到，監製信任我做到，最終我演洗碗阿姐，仲要好粗魯，同我個性完全唔同。幸好演完之後，淑敏同家傑都話我做得好，連珍姐喺盆菜宴上見到我，都話我做得好好。」
《愛回家》技安媽鬧爆大小姐用洗潔精洗米 林映輝做外景主持橫跨四代人【下一頁】
輝仔在《愛回家》飾演黃技安的媽媽。（《愛回家之開心速遞》電視截圖)
輝仔表示曾經有次在演姜大衞的跟班，有不少對手戲，但當時星期一至五都要繼續《城市追擊》的採訪工作，經常睡眠不足，沒想到姜大衞主動向導演要求，先拍攝輝仔的戲份，他樂意等云云，她說：「第一次合作，佢教我騎馬，當知我第日要開《城追》，叫導演拍我先，真係好到不得了！」另外一位是鄭裕玲，當時她跟Do姐一齊主持《城追》廠景，「Do姐去親日本就會買假髮或髮飾畀我上鏡用，又會送化妝品畀我，收工會車埋我，傾偈時知我係演藝學院出身，當佢拍《男親女愛》時，叫監製安排角色畀我，可惜最終度唔到期，不過真係好感激佢。人人都覺得佢好cool，其實佢係一位好溫暖嘅前輩。」
John哥真係好照顧後輩，令輝仔非常感動。（東星娛樂）
鄭裕玲曾推薦輝仔拍《男親女愛》。（東星娛樂)
（網上圖片)
由《城市追擊》到現時《東張西望》，林映輝算是元老級的主持，「多謝監製肯繼續用我，用得我一日就做一日，《東張》畀我有機會繼續接觸到基層嘅人，希望透過我能夠畀少少溫暖佢哋。」她難忘自己採訪幾個有不同需要的基層家庭。有小店老闆聘用智力偏低小朋友、有單親媽咪亦有髮型師患柏金遜症而失業，最終輝仔與他們一起做節食團年飯。髮型師本身獨自來港，為智力問題的小朋友剪頭髮，他也很久沒感受家庭溫暖，輝仔說：「呢一種就係我呢份工嘅意義，希望繼續做落去，可以服務同回饋社會。」
輝仔樂於繼續走在前線採訪，希望幫助基層發聲。（《東張西望》電視截圖)
責任編輯：楊安莉