居住問題｜徵1400呎複式單位月租$1.5萬以下 港女被揶揄以一個原因反擊

不少業主及租客為節省仲介費用，都會在網上社交平台放租或尋找租盤。近日一名港女在網上尋找租盤，更列出1,400呎以上、月租1.5萬元以下等第4大要求，卻被網民揶揄「異想天開」。對此，事主大感無奈：「我開呢個條件對城市人嚟講好異想天開，但你哋搵吓，其實偏遠地區唔少呢啲盤。」

該名港女周日（6日）在Facebook群組「自己物業自己放，租買免佣」徵求租盤，表示預計明年2月尾、3月頭入住，並列出4大要求：

- 複式或單幢村屋 / 獨立屋

- 地區不限，面積1400呎以上

- 租金預算$15000 以下

- 有車位，可養寵物

未料帖文一出，隨即引來大批網民留言揶揄，「平均呎租10蚊，暫時都未見過香港有」、「新田啲貨倉應該有」、「真心問，係咪打多咗個0？140呎先真？」、「又要馬兒好，又要馬兒不吃草」、「你唔好講十年前」。

對此，事主在帖文中反擊，指自己本身住在一間舊式獨立村屋，有兩層共1,800呎連天台、前後花園及車位，月租為1.4萬元，「我5年前搬入嚟$10,000......我要搬係因為私人理由。我開呢個條件對城市人嚟講好異想天開，但你哋搵吓，其實偏遠地區唔少呢啲盤。」她又斥責部分網民大驚小怪，

「自己未見過就當全個世界都冇……又唔係要你哋呢啲接受咗香港變態樓價嘅人租畀我！」

{{hket:inline-image name="hse081220203.JPG"}}{{/hket:inline-image}}

從網上平台「28Hse」可見，屯門、粉嶺、元朗等較為偏遠的地區，確有不少租盤符合條件。（網上圖片）

有網民亦留言支持事主，表示事實上香港偏遠地區確有又大又平的租盤：「其實冇住過村屋嘅真係唔知，有啲偏遠地方係可以好平」、「人哋都話地區不限」、「有嘅，不過一定超舊、無裝修，位置邊一啲」。對此，事主直言：「我唔介意，就係要搵呢啲。」

{{hket:inline-image name="hse081220202.JPG"}}{{/hket:inline-image}}

元朗有1,480呎的租盤，甚至低至平均8元一呎。（網上圖片）

{{hket:inline-image name="hse081220205.JPG"}}{{/hket:inline-image}}

有部分租盤已成功租出。（網上圖片）

每朝索取《晴報》：精明生活．健康家庭．開心娛樂

責任編輯：李凱晴