非常老闆 ︳員工急性器官衰竭驟然離世 老闆4個迷信要求被批涼薄

任何人對離世者都應予以尊重。有網民在社交網站表示，其公司一名同事近日因急性器官衰竭不幸離世；正當整個辦公室愁雲慘霧之際，迷信的老闆竟下令員工不准做4件事，包括離世同事的座位以後都不准坐。對此，一眾網民紛狠批該名老闆極度刻薄。

不煙不酒打工仔觀塘上班12年，疑空氣污染致患肺癌辭工休養，詳情即睇：【下一頁】

「明明上星期四仲返緊工，因為急性器官衰竭，好不幸地尋日走咗。」有網民日前向Facebook專頁「奴工處」投稿，指公司1名入職半年多、人緣不錯的同事，近日因急性器官衰竭離世。對於突然傳來死訊，辦公室一片愁雲慘霧；然而，老闆不但未有關心員工，更即時召開大會，下令同事不准做4件事：

1. 離世同事座位「以後唔可以坐人」
2. 所有M Grade（管理級人員）及坐在離世者附近的同事都不能出席喪禮
3. 曾出席喪禮的同事要在吉日才能上班，惟喪禮及「所謂吉日」相隔一個多星期，期間同事只能請年假或無薪假
4. 公司會津貼帛金，每人10元；由於「硬嘢（即1元）」不吉利，所以要由同事支付

事主又指，公司津貼的帛金會由去喪禮的同事帶去，而老闆則不會出席是次喪禮。帖文一出後，隨即引來網民熱議，紛紛留言直斥其老闆黑心及刻薄，「咁肉酸嘅老闆都有」、「好涼薄」、「見工係咪要畀生晨八字佢，夾嘅先請？」、「他朝君禮也相同」、「去咗白事唔使同老闆交代㗎」。

疫情下兩度被炒 打工仔終覓得理想好工：錢同假仲多過疫前做嗰份，詳情即睇：【下一頁】

內容獲《奴工處》授權刊登。

每朝索取《晴報》：精明生活．健康家庭．開心娛樂

撰文︰潘迦晴