【A貨出沒注意】林俊其盲俠上身拍《閃過界》網民被騙：以為真係王浩信

無綫處境劇《愛回家之開心速遞》演「藍浩信」的林俊其（Kris)，因樣貌和外型與王浩信激似程度達90%，試過在《愛》劇中以「盲俠」造型出場，觀眾差點認錯以為王浩信客串《愛回家》演出。趁劇集《踩過界II》播出，今次Kris這個「假盲俠」又有新搞作，拍片現身無綫購物網 big big shop，片名為《踩過界2外傳：閃過界》。

{{hket:inline-image name="49.jpg"}}{{/hket:inline-image}}

林俊其？定王浩信？媽，我好亂呀！(林俊其IG)

{{hket:inline-image name="44.jpg"}}{{/hket:inline-image}}

林俊其向肥Go伸手想搞邊科？(林俊其IG)

Kris白恤衫加黑色西裝背心Look，已經極像《踩過界II》文伸俠造型。片段開始，肥GO偷龍轉鳳將黑超換了玩具超，「盲俠」Kris伸手想拎又冇拎，鏡頭影住他的耳、鼻、口，還有側頭等小動作。Kris聲線和語氣，講對白節奏都學足盲俠的金句，「你啲小學雞動作係冇用㗎，我係有心眼！」要玩當然要玩到盡，這時，肥GO打開一本書，有隻黃色花蝴蝶飛出來的過場畫面，跟到足！短片再睇落去，其實所謂外傳是廣告片先真！

《愛回家》池美麗放棄George戀上藍浩信？ 王浩信真‧細佬轉戰YouTube唱歌 【下一頁】

{{hket:inline-image name="48.jpg"}}{{/hket:inline-image}}

(林俊其IG)

{{hket:inline-image name="50.jpg"}}{{/hket:inline-image}}

睇真啲呢個係「Ａ貨盲俠」，唔好認錯係王浩信。(林俊其IG)

Kris扮得入型入骨，成功吸引近3萬網民，他IG留言分享今次再扮盲俠的感受，「豐富人生需要唔同嘗試，模仿多次，但係今次感覺比較深刻，可以親身去感受同體驗一日盲俠，並不容易。對我嚟講係一次好有趣嘅經歷，好期待之後嘅挑戰。」他還tag了王浩信，說對方非常敬業，自己非常respect他云云。網民留言有讚冇彈，大家覺得他能夠做到眼神、小動作、聲綫都極像盲俠，相信事前都一定下過苦功，唔夠完美只因拍檔是肥GO不是瘦GO！

{{hket:inline-image name="51.jpg"}}{{/hket:inline-image}}

林俊其 (後排左一) 本身有份演出《踩過界II》，做大律師秦沛 (前排中間) 的下屬。(林俊其IG)

{{hket:inline-image name="53.jpg"}}{{/hket:inline-image}}

在《愛回家》飾演藍浩信，首次以盲俠造型出現。(林俊其IG)

{{hket:inline-image name="55.jpg"}}{{/hket:inline-image}}

連王浩信都覺得他和自己似兄弟。(林俊其IG)

【諸朋好友】方中信入行做男一日日慘被問候 認得罪人多 學懂說話留七分 【下一頁】