黎芷珊近日接受張寶華YouTube頻道「Too Simple Sometimes Naive」的「張寶華會客室」訪問，提到兩人年初在染疫的郵輪公主號旅行時逃過中招的一劫，感覺一下船，整個世界都變得不一樣。黎芷珊透露現時跟無綫的合約改變，陸續跟不同的媒體商談合作，自己亦有意開屬於自己的頻道，希望疫情時期司儀工作幾乎零的情況下，找到一條新的出路。
【疫情下損過7位數字】黎芷珊入無綫30年轉兼職自由身 做YouTuber邀嘉賓分享單身樂趣【下一頁】
黎芷珊接受好友張寶華的訪問。(張寶華《Too Simple Sometimes Naive》YouTube影片截圖)
芷珊直言司儀的工作數量幾乎歸零。(東星娛樂)
芷珊在訪問中直言去年到今年年初都經歷人生低潮，因為先後經歷媽媽、姑丈何鴻燊和好友錢國偉的離世，令她情緒大受打擊，芷珊說：「我5歲時父母離異，我一直跟爸爸住，幾十年來同媽媽都唔親，亦唔多見面，以前細個會有啲嬲佢，長大後明白多咗，咁近十年關係好番少少。對我嚟講，感情係要累積，因為我同佢感情累積唔到，到佢臨終前最後一年，佢身體狀況變差，我覺得係時候要照顧佢，以前因為冇感情基礎，我冇呢個概念，但當時係時候要理佢。」
提到媽媽的離世，黎芷珊認留有遺憾。(張寶華《Too Simple Sometimes Naive》YouTube影片截圖)
她表示由於弟弟和姐姐要工作，自己工作的時間比較彈性，所以獲委派負責照顧在珠海定居的媽媽，她說：「我好感恩喺佢人生後期可以畀機會我照顧佢，我同佢好多嘢都傾番晒，以前我對佢誤會都解開晒，原來當年係因為我爸爸有第二個，佢先離開屋企，細個時佢冇解釋，而我爸爸喺我18歲時都走咗，當佢講番我知呢件事原來係咁，即刻感覺錯過咗好多相處時間。」
【公主號乘客】張寶華黎芷珊被歧視嬲爆炮轟：係咪以後唔歡迎我去食飯？【下一頁】
黎芷珊接連收到親友離世的消息，心情大受打擊。(東星娛樂)
黎芷珊到靈堂送別姑丈何鴻燊。(東星娛樂)
好友錢國偉離世，黎芷珊（右一）全程陪伴他的遺孀陳宛蔚。(東星娛樂)
當芷珊希望好好跟媽媽相處時，信佛的媽媽自知時日，預告自己會離世，更叫芷珊為她安排僧人誦經送她最後一程，芷珊說：「佢叫我幫佢搵人念經送佢走，心態好難形容，好想幫佢做佢想做嘅事，但我唔想佢走，心情好亂，佢預計自己8月會走，最終10月中離開，見佢8月冇事我好開心，幫佢買晒樓安頓好生活，又請工人照顧佢，點知我去葡萄牙工作3個月之後，佢情況一落千丈要入醫院，我返港即刻去珠海，醫生話佢營養不良。」
芷珊稱後來醫生指媽媽情況有好轉，正準備接她出院，突然珠海有警察按門鐘，通知她媽媽情況好危急，最終她由警車急送她去醫院，她說：「我去到醫院時，已經搵儀器吊住佢命，其實我覺得佢已經走咗，我好遺憾，我好過唔到自己，唔明點解囉，好難過，舊年到今年年頭，心情好浮動，好朋友又走咗，呢兩年對我嚟講好多事情發生。」
主持人張寶華坦言得悉芷珊一個人住，擔心她的情緒起伏，芷珊稱一向獨立，自己習慣不想麻煩別人，在心情最壞的時候會躲起來，稍為回復之後就會找朋友傾訴，她說：「我性格習慣咗係咁，仲記得8年前《最佳男主角》節目出街，當時係我事業最有運氣嘅時候，但同一時間勁唔開心，因為同個拍拖9年嘅男朋友分咗手，當時不斷工作去忘記唔開心嘅情緒，每日返工就係最想快啲返屋企暱入被竇入面。」
黎芷珊在《最佳男主角》訪問謝賢。(東星娛樂)
節目中，黎芷珊跟舊愛鄭伊健有傾有講，仍然非常老友。(東星娛樂)
黎芷珊憑節目得獎。(東星娛樂)
沒想到事業的高峰，卻遇上情場失意。(東星娛樂)
黎芷珊後來跟張達倫拍過拖一段時間，分手亦是朋友。(東星娛樂)
責任編輯：楊安莉